Viveiro, 5 de outubro de 2022. A alcaldesa de Viveiro, María Loureiro, deu hoxe a benvida aos máis de 1.000 rapaces e rapazas da comarca da Mariña que participan na Festa Correlingua 2022. Tamén asistiu ao evento a nova concelleira da Corporación, Mª del Carmen Franco Díaz, que se incorporará como responsable de Educación do Goberno local.
Esta festa, que reúne á cativada de Infantil, Primaria e Secundaria busca sensibilizar á sociedade sobre a importancia de defender a lingua galega. O acto, baixo o lema “Fálame!”, contou con Fran Rei como presentador e coa actuación de Pauliña. Ademais, Paula Ferreiro, coordinadora de Correlingua na Mariña e secretaria comarcal da CIG-Ensino, tamén asistiu ao acto.
A alcaldesa de Viveiro, María Loureiro, confirmoulles á rapazada o seu obxectivo de “seguir traballando para garantir que crezades en lingua galega”. A rexedora aproveitou para recordar “aos que vivides en Viveiro que na vila temos moitos espectáculos dirixidos a vós en lingua galega, ademais dunha biblioteca municipal chea de libros no noso idioma”.
O Correlingua é unha proposta de carácter lúdico, educativo e reivindicativo que pretende convidar a mocidade e os centros de ensino a participar nun acto público de reivindicación do dereito de crecer en galego, e tamén a exercer de maneira efectiva como galegos e galegas a través do uso do idioma, única forma de garantir o seu futuro.
O Concello de Viveiro comprometeuse coa celebración desta cita, axudando na organización e facilitando unha carpa para o evento. Ademais, a Asociación Cultural Correlingua conta coa axuda loxística da AS-PG, a Mesa pola Normalización Lingüística e a CIG–Ensino. Tamén colaboran diferentes entidades como as deputacións da Coruña, Lugo e Pontevedra, ademais de varios concellos, como xa se citou o Concello de Viveiro.
Concretamente participou o alumnado do IES Monte Castelo de Burela; CEIP de Cervo; CEIP de Vicedo; Colexio Plurilingüe Sagrado Corazón de Jesús, de Ribadeo; IES Illa de Sarón, de Xove, e dos seguintes centros de Viveiro: IES María Sarmiento; CEIP de Celeiro; IES Vilar Ponte; CEIP de Covas; CEIP Lois Tobío, Escola Infantil San Roque de Viveiro e CPR. Plurilingüe de Landro.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
