O mércores, 2 de novembro, alumnado de centros educativos de Cervo en horario de mañá realizará unha visita guiada ao castro e en horario de tarde (16.30 horas) terá lugar unha xornada de portas abertas para o público xeral
Santiago de Compostela, 31 de outubro do 2022. Un equipo do Consello Superior de Investigacións Científicas (CSIC) coordinado por David González Álvarez (Instituto de Ciencias do Patrimonio) e por Jesús García Sánchez (Instituto de Arqueoloxía de Mérida) inicia un estudo preliminar do castro de Rueta (Cervo, Lugo), o cal contempla a súa análise cunha metodoloxía pioneira en Galicia para avaliar o seu estado de conservación e considerar a súa idoneidade para o desenvolvemento de actuacións máis ambiciosas nun futuro próximo.
“As actuacións previstas agora contemplan aplicar métodos de traballo non invasivos para espremer as informacións dispoñibles sobre a biografía deste xacemento sen mover nin un gran de terra. E é que os métodos de prospección geofísica, empregando magnetómetros e georradares, o estudo do poboado fortificado con diferentes sensores transportados por drons, así como o estudo de imaxes aéreas e satelitales, serven para evitar afeccións sobre o xacemento antes de considerar a súa idoneidade para poñer en marcha un programa de actuacións con métodos máis habituais en arqueoloxía, como a escavación”, explican os arqueólogos do CSIC.
“Estas actuacións tomou forma grazas á iniciativa da Asociación Mariña Patrimonio, desde onde se solicitou o apoio da área de Cultura da Vicepresidencia da Deputación de Lugo a través dunha subvención para desenvolver investigacións arqueolóxicas. Paralelamente, o Concello de Cervo sumouse ao proxecto achegando persoal e medios propios para efectuar unha roza moi extensa do castro e a súa contorna para facilitar as actividades arqueolóxicas. Por último, e á vista do notable interese deste xacemento para as liñas investigadoras dos arqueólogos a cargo da actuación, fondos propios do CSIC completan o orzamento dispoñible para efectuar estes traballos”, destacan González e Sánchez, quen sinala á súa vez “a excelente disposición dos propietarios dos terreos sobre os que se levanta o castro, quen deu o seu permiso para desenvolver estas investigacións”.
A iniciativa, por tanto, é froito da colaboración entre institucións públicas, entidades civís do tecido asociativo local, veciños e organismos públicos de investigación.
Prevese que estas primeiras actuacións, posteriores aos labores de esnaquice e acondicionamento do castro, teñan unha duración aproximada de dúas semanas.
“A limpeza da densa vexetación que cubría o castro permite xa obter unha imaxe inédita do mesmo, destaca un sistema defensivo impoñente, con varias liñas de murallas e fosos que mostran un bo estado de preservación”, sinalan desde o CSIC.
As actuacións no castro Rueta (Cervo, Lugo) estarán abertas á cidadanía, xa que durante a próxima semana desenvolveranse varias actividades divulgativas, entre as que cabe citar a visita guiada ao castro o mércores, 2 de novembro, de alumnado de centros educativos de Cervo en horario de mañá e en horario de tarde (16.30 horas) unha xornada de portas abertas para o público xeral.
O enclave ten un notable interese para desentrañar aspectos sobre a formación e desenvolvemento dos modos de poblamiento da Idade do Hierro e a época romana máis temperá para esta zona, onde escasean as intervencións arqueolóxicas en castros deste tipo. Neste sentido, o equipo do CSIC confía en, a través das actuacións previstas para estas semanas, desvelar aspectos como a densidade de construcións antigas observables ao interior do castro, a entidade das súas murallas, ou a existencia de restos arqueolóxicos en zonas da contorna do castro onde non foran observadas trazas da súa antiga ocupación. Do mesmo xeito, a campaña permitirá testar a adecuación dos métodos arqueolóxicos de mínima invasión á paisaxe e a xeoloxía da Mariña, unha estratexia que os arqueólogos David González Álvarez e Jesús García Sánchez desenvolveron anteriormente con éxito noutros castros galegos como o de Castromao (Celanova, Ourense), así como en enclaves prerromanos de Asturias ou Castela e León.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
