Ribadeo, 27 de outubro de 2022. O Concello está a crear unha senda costeira entre a praia de Rochas Brancas e a depuradora nova en Vilaselán e un treito mais en Piñeira, na zona de Areosa. Deste xeito procede a ampliar varios treitos do Camiño Natural do Cantábrico. En total son 8,6 hectáreas de ámbito de actuación. Esta nova senda costeira terá unha lonxitude de 1,7 quilómetros.
O alcalde, Fernando Suárez, explicou que “nestes días estamos tamén executando unhas actuacións moi agardadas, moi planificadas, moi complexas de tramitación pero ao final, moi importantes para Ribadeo. Imos ampliar varios treitos do Camiño Natural do Cantábrico así como actuacións de conservación da natureza, eliminando eucaliptais en zonas de afección de costas así como outras especies invasoras. Logo, seguirá coa repoboación con especies frondosas propias do noso entorno como estamos facendo na ribeira da Ría de Ribadeo nestes últimos anos”.
O rexedor contou que “en total imos actuar en 8,6 hectáreas nas zonas costeiras das parroquias de Vilaselán e Piñeira e ampliaremos en 1,7 quilómetros o Camiño do Cantábrico, posto que este sendeiro costeiro non estaba unificado xa que ás veces había que ir pola estrada asfaltada. Agora, o Concello creará unha senda costeira desde Rochas Brancas ata despois da depuradora nova de Vilaselán e un treito mais en Piñeira, na zona de Areosa”.
Suárez Barcia dixo que “para levar a cabo este proxecto solicitamos unha subvención de 77.370 euros á Reserva de Biosfera Río Eo, Oscos e Terras de Burón. Para iso levamos tempo traballando con técnicos municipais e con outros; e logramos compromisos de propietarios, que nos cederon voluntariamente superficies para que este proxecto tivera continuidade e facer esta senda costeira. Agora pretendemos darlle á cidadanía a posibilidade de descubrir este entorno, este lugar da costa que é marabilloso, dunha maneira accesible”.
O alcalde ribadense engadiu: “foinos concedida unha axuda económica por sermos Reserva da Biosfera, e a través de fondos europeos, tramitada pola Dirección Xeral de Patrimonio Natural. A obra foi licitada e adxudicada á empresa Foresga”.
Fernando Suárez subliñou que “é unha actuación moi importante e ambiciosa para a natureza, evidentemente, para o entorno de Ribadeo e para que a xente coñeza esta zona tan fermosa, que se suma ás que fixemos e ás que estamos a facer no noso Concello”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
