Foz, 22 de outubro de 2022. En sendas reunións da Xunta de Goberno Local o Concello de Foz concedeu licencias para a construción dunha nave para a venda e reparación de maquinaria forestal, anexa ao Parque Empresarial de Fazouro, e a para un novo hotel nunha edificación xa existente preto do peirao de Foz.
O alcalde, Fran Cajoto, indica que “o Concello de Foz avanza. Segundo os datos do Instituto Galego de Estatística, é o concello mariñao que máis medra en poboación -tanto en números absolutos como en termos porcentuais- e fontes do Concello falan xa de máis de 10.400 habitantes censados. En dúas Xuntas de Goberno Local o Concello de Foz concedeu licencias para a construción dunha nova nave para a reparación de maquinaria forestal de máis de 550.000 euros de orzamento de execución material e preto de 2.500 metros cadrados de superficie edificada e para un novo hotel nun edificio existente na rúa Asteleiros. A nave estará ubicada na Granda, anexa ao parque empresarial ao suroeste do polígono de Fazouro e contará cunha nave principal de 81×20 metros e unhas oficinas anexas de 162 metros cadrados de superficie”.
O concelleiro de Turismo, Chema Linares, destaca as consecuencias positivas dun novo hotel: “Foz conta con vivendas de uso turístico, pero quizais andabamos escasos de prazas hoteleiras, que ademais se relacionan cun turismo de maior calidade. Desde o Concello estamos traballando para que máis xente nos veña visitar fóra da tempada de verán, no que temos a sorte de practicamente colgar o cartel de completo. Fomentamos que a hoteis e negocios en xeral lles sexa rendible abrir durante todo o ano: por iso xerar eventos de todo tipo en tempada baixa, como o Entroido ou a actividade propia do Nadal é unha gran idea”.
O alcalde resalta o potencial industrial de Foz e de toda a comarca da Mariña: “industria forestal e turismo son dous piares que están en auxe e que se demostran con estas dúas iniciativas de capital privado. Foz está no centro da comarca, está ben comunicado aínda que teñamos pendentes a autovía e a VAC Costa Norte, e conta cunha infraestrutura fundamental de fibra óptica en todo o territorio. Temos grandes empresas de envasado de peixe e loxística e hai ben pouco rematouse un centro de venda de alimentación para profesionais -Cash Record- cunha inversión de 700.000 euros de orzamento de execución material. Estamos satisfeitos con esta tendencia positiva, pero non podemos perder ningunha oportunidade. En torno ao sector forestal podiamos crear moitísimo valor engadido, pero a Xunta traizoou a promesa que lle fixera á Mariña coa planta de fibras téxtiles de Altri e quixo afastar a fábrica do centro de produción do eucalipto, o que contravén toda lóxica empresarial: un erro e unha auténtica mágoa”.
Alcalde e concelleiro de Turismo desexan a maior das sortes a estas dúas iniciativas e animan a sectores públicos e privados a investir en Foz.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
