Viveiro, 17 de outubro de 2022. O Concello de Viveiro recibiu hoxe a un grupo de profesores e alumnos que estarán no municipio ata o domingo, dentro dun programa Erasmus no que participa o IES María Sarmiento.
Á recepción, na que estiveron a alcaldesa, María Loureiro, e o tenente de alcalde, Jesús Fernández, asistiron dous profesores do IES María Sarmiento, 8 profesores dos IES do estranxeiro e os 16 alumnos do intercambio, procedentes de Chequia, Eslovaquia, Portugal e Italia.
Forman parte dun proxecto, no que tamén participa o IES María Sarmiento, sobre o cambio climático que se chama ‘Protege la tierra, salva la vida’. Dentro do cambio climático, durante cada un dos intercambios van tratando un tema concreto e no caso de visita a Viveiro o tema sobre o que van traballar é a auga.
“Quero desexarvos en primeiro lugar unha feliz estancia en Viveiro, somos un pobo acolledor no que ademais do programa educativo teredes tempo para desfrutar da nosa natureza, coñecer a nosa historia e saborear a nosa gastronomía”, manifestou María Loureiro.
“Quero aproveitar esta ocasión para felicitar a toda a comunidade educativa de Viveiro polo seu traballo diario, en especial ao equipo docente do IES María Sarmiento, hoxe aquí representado; unha felicitación que fago extensiva aos mestres e mestras dos centros educativos de Chequia, Eslovaquia, Portugal e Italia, e por suposto a vos, os alumnos e alumnas, que sodes sen ningunha dúbida os principais protagonistas desta experiencia”, apuntou a alcaldesa.
“Á marxe dos coñecementos académicos, esta experiencia é unha fiestra aberta ao coñecemento, o diálogo, a diversidade e o respecto, uns valores moi necesarios na sociedade actual que o Concello de Viveiro intenta ter sempre presente. Estes valores chegan da man dunha relación entre pobos e países amigos, e profundizar neles é unha das mellores virtudes dun Erasmus”, rematou Loureiro.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
