O sindicato sinala que acordo que puxo fin á folga dos puntos de atención continuada facía fincapé na necesidade de contar con «equipos completos» nestes centros sanitarios
Santiago de Compostela, 22 de novembro de 2022. A Federación de Sanidade de CCOO de Galicia lémbralle á Xunta que os acordos «están para cumprilos» e repróchalle a Alfonso Rueda a xestión das ausencias nos puntos de atención continuada (pac). O Goberno galego pretende que, en caso de ausencia do persoal médico, os pac estean atendidos por persoal de enfermaría, «unha decisión que vai en contra do acordo do 2019 que puxo fin á folga nestes centros», sinala o secretario xeral de CCOO-Sanidade, Javier González.
O sindicato ve un «menosprezo» nas palabras de Rueda, quen anunciou que se lle dará formación ao persoal de enfermaría para este cometido e que o vindeiro 29 de novembro o trataría nunha xuntanza co Consello de Colexios Médicos de Galicia. «As enfermeiras e enfermeiros son unha profesión con entidade de seu e coas súas propias competencias e non substitúen ningunha outra profesión», sentencia González.
O sindicato aclara que os puntos de atención continuada son dispositivos asistenciais do ámbito da atención primaria que atenden a demanda non programada e aquela que non se pode demorar, como as urxencias e emerxencias, tanto no centro como na vía pública. «Todos estes escenarios pódense dar durante a actividade asistencial do pac», advirte o secretario xeral de CCOO-Sanidade.
O equipo de traballo habitual dos pac está formado polo persoal de servizos xerais (psx) ou celador, o persoal de enfermaría e o persoal médico. «Todos eles son imprescindibles para garantir unha axeitada asistencia sanitaria», incide González. Para CCOO, «non é aceptable» deixar algúns pac cun equipo «incompleto», amais e supoñer un problema para a continuidade asistencial e para a seguridade xurídica do persoal.
CCOO esixe cumprir os acordos
Desde CCOO-Sanidade lembran que todo o persoal dos pac de Galicia mantivo unha longa folga que comezou en outubro do 2018 e se converteu en indefinida en xaneiro do ano seguinte para esixir a mellora das súas condicións de traballo.
O acordo de fin de folga do 17 de xullo do 2019 recollía o compromiso da Administración de dotar os pac de «equipos completos» de persoal de enfermaría e médico, así como aumentar a dotación de persoal atendendo a criterios como a dispersión, a distribución por idade da poboación ou a distancia ata o hospital de referencia. Tamén se prevía o reforzamento de persoal nos momentos en que se producise un aumento puntual da poboación, como en festas, zonas turísticas ou eventos deportivos.
Este acordo, «que recolle a importancia de contar con equipos completos», asinouse no seo dunha negociación da Administración cos sindicatos da mesa sectorial —único órgano lexitimado para a negociación— e o comité de folga, e recolle a importancia dos equipos completos. «Non se pode entender, nin é admisible, que a Xunta, máis aló de non cumprir co prometido, adopte medidas que son contrarias aos acordos asinados», conclúe o secretario xeral de CCOO-Sanidade.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
