A Mariña, 7 de novembro, 2022. Co gallo da celebración do 25 Novembro, día internacional para erradicación da violencia contra as mulleres, o Observatorio da Mariña pola Igualdade organiza as seguintes actividades:
Presentación de Rosa Cobo do seu libro “Pornografía. El placer del poder”
O 17 de novembro ás 20.30 na sala multiusos do Concello de Viveiro.
A feminista e académica Rosa Cobo achégase a Viveiro para relatar unha breve historia sobre as orixes da pornografía, ao tempo que pretende espertar conciencias e alertar sobre os efectos do seu consumo, así como sobre a súa efectividade á
hora de construír un discurso e un imaxinario de violencia misóxino.
O seu libro ademais tamén aspira a visibilizar e advertir sobre a relación directa que existe entre pornografía e prostitución.
As librerías locais Porta da Vila e África Copias terán un punto de venta do libro no lugar do acto de presentación. O acto está organizado coa colaboración do Concello de Viveiro.
II Edicion do Festival Cine de Mulleres FILMU
O Observatorio da Mariña pola Igualdade xunto con Nomenklaturas Xestión Cultural organizan a segunda edición de FILMU, nesta ocasión na Mariña, co obxectivo de expandir un proxecto que busca promover o cinema e a súa historia dende a perspectiva de xénero.
Coa colaboración dos Concellos de Xove e Alfoz levaranse a cabo catro sesións, seguida cada unha dun coloquio aberto á participación de todas/os asistentes.
As películas seleccionadas para o festival son: Julia, de Fred Zinnemann; O secreto das avellas de Annabel Jankel e As guardianas, de Xavier Beauvois.
Os lugares, datas e horas de proxección serán os seguintes:
Xove:
Aula de Formación Concello de Xove
11- Novembro ás 19,30 h – JULIA
12- Novembro ás 19,30 h- O SECRETO DAS AVELLAS
Alfoz:
Salón de Actos da Casa da Cultura de Alfoz
18 -Novembro ás 19,00 h – JULIA
20 – Novembro ás 19,00 h – AS GUARDIANAS
A entrada será de balde ata completar o aforo.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
A actividade conta coa colaboración do Concello.
