Os medios materiais do dispositivo invernal do Mitma, que se prolongará ata o mes de abril, complétanse con 9.350 toneladas de sal e 2.515.000 litros de salmoira para atender os 993 km de vías do Estado en Lugo
Mondoñedo, 22 de novembro de 2022. A subdelegada do Goberno en Lugo, Isabel Rodríguez, presentou este martes o Plan de Vialidade Invernal para a provincia de Lugo, no Centro de conservación de estradas de Mondoñedo. No acto, tamén participaron responsables da Garda Civil, Protección Civil e a Unidade de Estradas do Estado na provincia, así como o alcalde de Mondoñedo, Manuel Otero.
Isabel Rodríguez destacou o importante operativo posto en marcha polo Goberno na provincia para garantir a seguridade na circulación polas estradas do Estado durante o inverno, en condicións meteorolóxicas adversas. Así, o Plan de Vialidade Invernal, que se desenvolverá ata o mes de abril, contará este ano cun total de 45 máquinas quitaneves despregadas polo Ministerio de Transportes, Mobilidade e Axenda Urbana pola provincia, co obxectivo de facilitar o tránsito de vehículos. Este ano, refórzase o equipamento con 3 quitaneves máis para traballar no porto de Pedrafita do Cebreiro.
O dispositivo que se fai cargo da limpeza das estradas da provincia está composto por 124 operarios de mantemento de estradas distribuídos nos catro sectores de conservación nos que está dividida a provincia. Os medios materiais complétanse con 9.350 toneladas de sal e 2.515.000 litros de salmoira almacenados nos silos. Como cada campaña, estas cantidades forman o acopio inicial que aumentará dependendo das necesidades que se presenten durante o inverno.
A subdelegada explicou que o Plan provincial de Vialidade Invernal contempla a vixilancia e limpeza dun total de 993,09 quilómetros das 13 vías que compoñen a Rede de Estradas do Estado na provincia, así como a vertente leonesa do porto de Pedrafita. Para iso, tamén se efectuou esta mañá a sinatura do Protocolo coa provincia de León para a limpeza da vertente leonesa do porto de Pedrafita.
Ao mesmo tempo, Isabel Rodríguez salientou a colaboración dos diferentes servizos e unidades da Administración do Estado e agradeceu o esforzo do persoal que traballa para dar a máxima seguridade aos condutores e facilitar a fluidez do tráfico na rede de estradas e autovías. Por último, apelou á prudencia dos condutores para prestar atención ás condicións dos vehículos e adaptar a súa condución ao clima e ao estado das vías.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
