A Xunta de Goberno aprobou colaborar co Concello para a mellora deste espazo no que se celebran eventos importantes para a comarca como a Feira do Mel
Lugo, 9 de decembro de 2022. A Xunta de Goberno da Deputación de Lugo aprobou este venres un convenio de colaboración co Concello de Muras mediante o cal a institución provincial achegará 409.000€ en dúas anualidades para acometer o proxecto de mellora e humanización do Campo da Feira do Viveiró. Así o anunciou esta mañá a Voceira socialista do Goberno, Pilar García Porto, que detallou que o importe total para acometer as obras é de 460.000€, aportando o municipio chairego o 10% restante.
“A colaboración económica que aprobamos hoxe servirá para darlle unha nova imaxe e para facer máis accesible e cómodo para a veciñanza un espazo social tan importante como o Campo da Feira do Viveiró, que acolle eventos importantes para este municipio e para a comarca como pode ser a Feira do Mel”, sinalou García Porto. Unha actuación que se suma ás obras de reordenación e acondicionamento xa acometidas na Praza da Galeguidade desta vila, que financiou integramente a Deputación con 220.000€.
Un exemplo máis, segundo destacou a Deputada, “da continua colaboración que dende a Deputación de Lugo prestamos ós 67 concellos da provincia para que poidan ofrecer máis e mellores servizos ós seus veciños co obxectivo de fixar poboación no territorio”.
Mantemento dos ascensores
A Xunta de Goberno aprobou tamén a adxudicación do contrato para a prestación do servizo de mantemento dos ascensores das distintas dependencias da Deputación de Lugo, situados no Pazo de San Marcos, no Fogar de Santa María, no Museo Provincial, no Centro de Formación Audiovisual, no edificio que albergaba a extinta SUPLUSA e no Pazo de Tor.
Otis Mobility SA é a empresa que resultou adxudicataria deste contrato, por un período de dous anos, a contar dende o vindeiro 1 de xaneiro, e por un importe de case 10.000€.
Programa de Dotación e Mellora de Servizos Comunitarios
A Xunta de Goberno aprobou tamén o último paso administrativo para o pago de novas subvencións outorgadas a diferentes asociacións da provincia dentro do Programa para a Dotación e Mellora de Servizos Comunitarios. Son preto de 26.000€ que a Deputación fará chegar a 5 entidades doutros tantos concellos da provincia -A Fonsagrada, Begonte, Riotorto, Taboada e Baleira- que solicitaron estas axudas para diferentes actuacións, como a mellora de accesos a vivendas, de traídas ou depósitos de augas, ou de antigas escolas e locais sociais.
Este programa da Deputación de Lugo beneficia a un total de 55 colectivos, que recibiron un importe conxunto de 300.000€ co obxectivo de mellorar a calidade de vida e o benestar dos veciños e veciñas do rural.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
