A subdelegada falou do Plan de Recuperación e insistiu na importancia de que os lucenses, as empresas e autónomos, e os concellos coñezan a gran cantidade de convocatorias postas en marcha polo Goberno para que as aproveiten o máximo
Lugo, 22 de decembro de 2022. A subdelegada do Goberno, Isabel Rodríguez, destacou hoxe a importancia de que a Administración pública ofreza unha atención o máis rápida e efectiva posible, de xeito presencial e telemático, aos veciños e veciñas da provincia de Lugo que demanden información ou necesiten realizar calquera tipo de trámite. “Temos o deber de garantir á cidadanía unha Administración transparente, útil e próxima, que combata a fenda dixital, para fortalecer a cohesión social e territorial”, reiterou Rodríguez durante a celebración da Comisión de Asistencia á Subdelegada para facer balance da xestión dos organismos da Administración Xeral do Estado (AGE) na provincia de Lugo durante este 2022.
Na reunión, Isabel Rodríguez sinalou que a Administración do S.XXI “deber ser accesible para todas e todos, respondendo ás demandas actuais da cidadanía”. Así llo trasladou aos responsables e representantes territoriais dos principais servizos da Administración Xeral do Estado (AGE) na provincia: Servizo de Emprego Público (SEPE), Instituto e Tesourería Xeral da Seguridade Social (INSS e TGSS), Instituto Social da Mariña (ISM), Instituto Nacional de Estatística (INE), Dirección Xeral de Tráfico (DXT), Fondo de Garantía Salarial (FOGASA), Institucións Penitenciarias (IIPP), Confederación Hidrográfica do Miño-Sil (CHMS), Economía e Facenda, Catastro, Capitanía Marítima de Burela, e as Unidades Provinciais de Estradas e Telecomunicacións.
A subdelegada tamén falou do Plan de Recuperación, Transformación e Resiliencia, a estratexia do Executivo para canalizar os fondos europeos para os próximos meses e anos, e insistiu na importancia de que os veciños e veciñas, as empresas e autónomos, e os concellos coñezan a gran cantidade de convocatorias postas en marcha para que as aproveiten o máximo.
O encontro serviu para repasar as principais actuacións levadas a cabo e o estado actual dos asuntos máis importantes de cada departamento, así como para remarcar a importancia de dar a coñecer o traballo da Administración do Estado en Lugo. Neste senso, a subdelegada lembrou as diferentes medidas impulsadas polo Goberno para prestar un servizo eficaz e adaptar a Administración aos novos tempos, como a decisión de ofrecer atención preferencial ás persoas maiores de 65 anos, unha medida moi relevante nunha provincia envellecida coma a de Lugo; ou achegar aos concellos as ferramentas da administración dixital co novo Plan “A Administración cerca de Ti”.
Ademais de tratar as materias que xestiona cada área, Isabel Rodríguez aproveitou para agradecer aos funcionarios o seu labor e dedicación durante este ano e animounos a seguir traballando coa mesma intensidade “para acadar entre todas e todos os obxectivos marcados”.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
