Ribadeo, 19 de decembro de 2022. Deron comezo as actividades de Nadal de Acisa Ribadeo. Os mais pequenos e as máis pequenas da casa gozaron onte, domingo, de teatro.
A presidenta de Acisa Ribadeo, Carmen Cruzado, contou que “grazas a un dos nosos establecementos asociados Kids&Us nenas e nenos disfrutaron onte da obra de teatro Story Time The Elf´s Inventions no Teatro de Ribadeo. E o vindeiro sábado, día de Noiteboa, teremos un taller de adornos de Nadal. Será en dúas quendas, ás 10:30 e ás 11:45 horas nas instalacións de Kids&Us na rúa Rosalía de Castro”.
O xerente da Asociación de Comerciantes, Industriais, Servizos e Autónomos, Jesús Pérez, dixo que “estas non son as únicas actividades deseñadas para a rapazada de Ribadeo, xa que teremos as visitas de Papá Noel e do Apalpador. Pero de todo isto iremos dando conta ao longo dos vindeiros días”.
Acisa Ribadeo poñía en marcha a campaña de Nadal hai uns días co reparto de 150.000 rifas para participar no sorteo de 4.000 euros en premios na XII Festa do Comercio, que se celebrará o vindeiro 14 de xaneiro. Presidenta e xerente de Acisa lembraron que “todas aquelas persoas que realicen as súas compras no comercio local ou que consuman na nosa hostalería e nos nosos servizos ata a data do sorteo recibirán as papeletas para participar nesta importante cita, que volve ser presencial tras dous anos de pandemia”. E apostaron “pola necesidade de apoiar aos negocios locais. En Ribadeo somos un referente e así queremos seguir por moito tempo. Aquí atoparemos todo o que precisamos para sorprender e agasallar nestas especiais datas, ademais dun trato próximo e dun asesoramento personalizado”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
