A dirección provincial do partido está convencida de o PP volverá gañar as eleccións e esta vez gobernará, porque o “goberno de perdedores”, do PSOE, co apoio do BNG, é responsable de que A Fonsagrada perdera poboación, servizos e recursos
A Fonsagrada, 14 de xaneiro, de 2023. A estabilidade e a continuidade marcan a composición da xestora do Partido Popular de A Fonsagrada, constituída ao fío da renuncia, por motivos estritamente persoais, de José Luis Regueiro, a seguir á fronte da organización no municipio. Tanto é así que a xestora está formada polos mesmos membros que a anterior comisión executiva do partido, pero con Bernardo Xavier Niño Neira, empresario de hostalería, na presidencia. A xestoraqueda integrada así: Presidente, Bernardo Xavier Niño Neira (concelleiro); José Luis Regueiro Fernández (concelleiro), Amelia López Niño (concelleira); Yrma Fernández López (concelleira), Adrián Fernández Fernández (concelleiro), Carlos Fernández Vázquez, Rosario López Linares, Maira López Lombardero, José Manuel Álvarez Pérez, Antonio Rodil Álvarez, José Fernández Riveras, Zeus López Deiros e Amador Rego Murias.
O presidente da xestora, Bernardo Niño, destacou a normalidade no relevo á fronte da dirección local do partido, debida, como lembrou, á renuncia de José Luis Regueiro, por motivos persoais.
Niño apuntou que a dirección popular no ámbito local seguirá a facer unha cada vez máis intensa escoita activa da sociedade fonsagradina, co fin de ser aínda máis útil. Igualmente, indicou que o estímulo da participación será outro dos grandes eixos do traballo da xestora. “Queremos escoitar a todos os que teñan algo que dicir, a todos os que queiran facer aportación de ideas e traballo”, sinala o presidente da xestora.
Niño destacou que a xestora fará canto este nas súas mans para que o PP goberne na Fonsagrada como resultado das próximas eleccións municipais. Sinala: “Está claro que os gobernos socialistas teñen demostrada moi pouca capacidade de xestión, de maneira que o concello segue a perder poboación, que cada vez está máis envellecida; A Fonsagrada perde servizos e non hai relevo xeracional nin no comercio nin nas explotacións gandeiras; o fracaso no asentamento de poboación e industria nestes anos foi rotundo”.
Á constitución da xestora asistiuunha representación da dirección provincial do Partido Popular da provincia de Lugo. O coordinador xeral do PP, e portavoz provincial, José Manuel Balseiro, lembrou que o PP foi o gañador das pasadas eleccións locais e quedou a moi poucos votos da maioría absoluta. A Fonsagrada ten “un goberno de perdedores”, gracias a colaboración do BNG “que é tan culpable como o PSOE do que ocorreu estes catro anos na Fonsagrada”. Os populares non dubidan de que “se o PP non ten maioría absoluta, o Bloque volverá a apoiar ao PSOE”. Balseiro está seguro de que o PP gañará as eleccións e, por fin, “gobernará o partido que gaña as eleccións”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
