Burela, 24 de xaneiro, 2023. Ás 20.30 desta tarde disputouse en Vista Alegre o encontro de Oitavos de Final da Copa da SM O Rei, Pescados Rubén Burela FS Vs Mallorca Palma Fustal. O equipo mariñano deu a talla con creces ante un dos mellores equipos de Europa, chegando a xerar bastante tensión ao equipo mallorquino durante grande parte do partido.
Na primeira parte o Palma comeza con dúas ocasións que o equipo mariñán consegue manter a raia e no medio dos primeiros cambios, no minuto 3 Tayebi adianta 0-1 o marcador. Continúan con varias ocasións pero o Burela mantense ben en defensa e presiona ao equipo visitante non permitíndolle continuar sumando puntos. No minuto 11 Rikelme ten unha boa oportunidade pero o Palma continúa tentando coar o balón na portería laranxa, ante un Burela FS que non llo permite con boa defensa e grandes intervencións de Kaluza. Mantense o 0-1 ata o descanso.
No minuto 1 da segunda parte Molsen mete o segundo gol e no 4, o goleador da Segunda División David Pazos, anota o primeiro tanto do Burela cun golazo dende fóra da área tras un saque de esquina e un minuto despois Lucho empata o enc”ontro 2-2 xerando moita espectación en Vista Alegre e moita tensión no equipo rival durante varios minutos. Tras dous paradóns de Kaluza no minuto 28, tras un pase de Moslem, Marlon volve poñer por diante ao Palma 3-2 e dous minutos despois de novo Marlon aproveita a porteira baleira do Burela para subir 4-2 o marcador. Tras dúas oportunidades claras unha de Eloy e outra de Nando nos minutos 33 e 35, o equipo mariñán aposta de novo polo xogo de 5 pero esta vez manteno ata o final desde o minuto 36. No 38 Eloy dispara e rebotando en Chaguinha chega o 3-4, achegándose ao ansiado empate. Pero o pouco tempo restante non permite aos mariñáns seguir buscando o gol aínda que non deixan de tentalo ata o último segundo, con porteiro xogador e presionando ata o final.
En palabras do adestrador do Pescados Rubén Burela FS, David Rial, “creo que ao final morremos matando, morremos en área rival, con ocasión, creo que dentro do doídos que temos que estar pola derrota, temos que estar contentos polas maneiras”. E segundo Antonio Vadillo, que nunca vira un partido do Burela FS esta tempada ata que o tivo que estudiar para este encontro, “levei unha grata sorpresa analizando ao rival. É un equipo moi ben traballado, moi ben, que ten moi claro como xoga, moi ordenado, un equipo que realiza unha presión tras pérdida brutal, fai tempo que non vexo un equipo que teña esa fame cando perde o balón”
Agora toca volver centrarse no prioritario, a liga, e nos próximos dous encontros, contra o Alzira primeiro e posteriormente o Zaragoza, que marcarán a diferenza nos primeiros postos da táboa clasificatoria nas próximas semanas.
Ficha Técnica Pescados Rubén Burela FS – Mallorca Palma Fustal
Pescados Rubén Burela FS: M. Kaluza (P), Lucho, Pitero, Rikelme, Alberto, – cinco inicial- Isma, Bruno Expósito, Nando, Antón Arnejo, David Pazos, Eloy de Pablos, Bruno (P).
O Parrulo Ferrol FS: Luan Muller (P), Chaguinha, Eloy Rojas, Marlon, Saldise – cinco inicial- Mancuso, Rivillos, Moslem, Tomaz, Tayebi, Cleber, Carlos, Cainan, C. Barrón (P)
Goles: Min.3 Tayebi 0-1; min.21 Moslem 0-2; min.23 David Pazos 1-2; min. 25 Lucho 2-2; min.28 Marlon 2-3; min.30 Marlon 2-4; min.38 Bruno Rocha (PP) 3-4.
Equipo Arbitral: Diego Gallo, Rubén Hevia, Andrea de Luis.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
