A popular esixe ao goberno local “atender máis aos intereses dos veciños e veciñas” e urxe a “xestionar o arranxo das vías municipais e provinciais que se atopan en moi mal estado”
Muras, 23 de xaneiro do 2023. “O BNG está en contra dos eólicos, pero o alcalde nacionalista de Muras anuncia inversións no municipio que se financian cos cartos do Fondo de Compensación Ambiental, os que percibe o Concello por parte da Xunta polo canon eólico”, explica a portavoz popular e candidata á alcaldía, Eugenia Requeijo, que lamenta a “dobre moral do alcalde do BNG”.
A popular explica que “as actuacións no colexio anunciadas polo alcalde son financiadas con parte do medio millón de euros que a Xunta aporta ao Concello a través do Fondo de Compensación Ambiental e que o goberno local ten a liberdade para decidir en que investir”.
Neste caso, “queda claro que se trata dunha actuación con fins partidistas e electoralistas”. Primeiro, porque “o alcalde fixo o anuncio coincidindo cunha visita da portavoz nacional do BNG a Muras” e, segundo, porque “fai este anuncio a poucos meses das eleccións municipais e a pesar de que, actualmente, a cuberta non está danada. De feito, fai un par de anos a Xunta actuou de forma responsable na parte que precisaba actuacións urxentes para garantir a seguridade das instalacións”.
A popular pon en valor as xestións da Xunta en materia de Educación lembrando “a rapidez coa que a xefatura territorial deu solución aos problemas de transporte escolar derivados da mala xestión dos gobernos local e provincial que cortaron ao tráfico sen previo aviso a rúa que pasa por diante do Concello para levar a cabo obras que, ademais, se fixeron fóra de prazo”.
PISTAS EN MAL ESTADO
A popular urxe ao goberno local que “atenda menos aos intereses dos seus partidos e máis aos intereses dos veciños e veciñas de Muras”. Nese sentido, subliña “un dos problemas aos que temos que facer fronte no noso día a día e, máis aínda se cabe, agora no inverno: o mal estado das pistas tanto municipais coma provinciais que discorren polo noso municipio”. É por iso polo que urxe ao goberno bipartito a “xestionar a reparación das vías municipais e trasladar ao goberno provincial a necesidade de actuar nas que son de titularidade da Deputación de Lugo, como xa temos advertido dende o PP”.
Tamén en relación ás pistas, Eugenia Requeijo lamenta “a falta de previsión por parte do goberno local cando hai temporal ou caen nevaradas. Non actuaron con rapidez nin organización e somos os veciños e veciñas os que nos tempos que buscar a vida” en materia de mobilidade.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
