Barreiros, 23 de xaneiro, 2023. Os espazos para familias son unha necesidade nos tempos que corren,espazos de conversa, de intercambio e sobre todo espazos de apoio onde poder falar do que preocupa ás familias no día a día na educación dos seus fillas e fillos.
A Anpa do Ceip San Cosme decide pór en marcha esta iniciativa co obxectivo final de “Crear Comunidade e xerar espazos para que as familias (tanto do cole como de fóra del) poidan crear redes de apoio na difícil tarefa de criar nos tempos actuais”.
Por ese motivo seleccionáronse unha serie de libros atendendo ás necesidades máis habituais que hoxe en día estanse dando nas familias da nosa contorna.
Neste mes de xaneiro abordaremos a través do libro “Empantallados” (M. José Abad, editorial Vergara) estratexias para poder educar ás nenas e nenos nun mundo tecnolóxico dun xeito equilibrado e saúdabel. A educación dixital é unha asignatura pendente para as familias e mediante este libro iranse abordando pautas e reflexións que axudaran a guiar aos fillos e fillas neste mundo hiper-conectado.
No mes de febreiro leremos o libro “Educar en la atención” (Luís López González, editorial Plataforma Editorial) onde se falará de cómo potenciala e que tipo de exercicios pódense practicar cos nenos e nenas para fortalecer esta capacidade.
No mes de marzo abordaremos o libro “Aprender a estudiar” (Ana Villacorta , editorial Plataforma Editorial) onde iremos abordando distintas ferramentas que poidan axudar aos fillos e fillas para enfrontar os deberes e exames co fin último de que aprendan por si mesmos a acadar os obxectivos no cole ou noutros retos que lles depare o futuro.
No mes de abril seleccionamos o libro “Niños sin etiquetas” (Álvaro Soler , Concepción Roger. Editorial Planeta. Esta guía de crianza aportará consellos sobre como educar aos nenos e nenas sen caer na trampa das etiquetas para que poidan desenvolverse de maneira máis plena e feliz.
En maio achegarémonos ao libro “El fin de la ansiedad en niños y adolescentes: como ayudar a tus hijos a gestionar los miedos, el estrés y la ansiedad” (Gio Zararri, editorial Vergara). Neste libro de referencia iremos abordando esta doenza mental así como ferramentas para poder xestionala mediante exercicios que axuden aos nenos e nenas a superala.
E por último no mes de xuño leremos o bestseller “Como hablar para que los niños escuchen y como escuchar para que los niños nos hablen” (Adele Faber, editorial Rayo). Neste libro enfrontaremos novas maneiras de comunicarse coas nenas e nenos axudándolles a xestionar os sentimentos negativos, a frustración, a decepción e poder resolver os conflictos mediante a comunicación como ferramenta máis importante nas relacións familiares.
As reunións do club de lectura serán abertas a todas as familias que desexen asistir e darán comezo o vindeiro venres 27 de xaneiro ás 19:30 da tarde no Ceip San Cosme de Barreiros. Para anotarse pódese facer no seguinte número de teléfono:
-676.259.076 (Carolina)
-mail: carolinagarciachico@gmail.com
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
