Viveiro, 4 de xaneiro de 2023. O Concello de Viveiro celebrará mañá xoves, día 5 de xaneiro, a súa tradicional Cabalgata de Reis que como cada ano chega chea de novidades, de maxia e de sorpresas.
A primeira visita de Melchor, Gaspar e Baltasar será nas dúas residencias de maiores de Viveiro, onde compartirán uns momentos especiais con seus usuarios e usuarias antes de iniciar o desfile a partir das 17:30 horas.
“Dende o Concello de Viveiro animamos a toda a veciñanza e aos visitantes a que se acheguen ao noso municipio para desfrutar da Cabalgata e do ambiente de Nadal”, subliña a alcaldesa, María Loureiro. “Recibimos aos Reis Magos nunha tarde chea de maxia que de seguro ilusionará aos nenos e nenas de Viveiro”, engade a rexedora.
A comitiva estará formada por seis carrozas, unha delas cos usuarios de Aspanane. Ademais, corenta nenos e nenas da vila acompañarán ás súas Maxestades de Oriente.
Como é habitual, a comitiva real completará unha ruta que parte do Porto de Celeiro, Covas e Viveiro polo paseo marítimo chegando aos Castelos, onde fará unha parada, ao igual que na explanada do mercado onde se unirá a Banda da Misericordia que amenizará o paso do desfile polas rúas da vila.
Á mesma hora, e igual que en anos anteriores, o Divertren acompañará á cabalgata no seu recorrido. Sairá dende a Piscina Municipal, é de acceso libre ata completar aforo e os cativos deben ir acompañados dun adulto.
Ao finalizar o percorrido, os Reis Magos falarán a todos os presentes dende o balcón da Biblioteca Municipal e recibirán despois aos nenos e nenas da vila na Sala multiusos do Concello de Viveiro e recollerán as súas cartas de desexos.
“Dende as 18:00 horas haberá tamén música na Praza Maior cun DJ e, a partir das 20:00 horas, para amenizar a espera da chegada dos Reis e a recepción, estarán xunto aos nenos e nenas os personaxes de Disney Minnie e Mickey, que xogarán e faranse fotos cos máis cativos da casa nun photocoll”, engade Lara Fernández Fernández-Noriega, concelleira de Cultura e Muller.
Durante o transcurso da cabalgata haberá cortes de tráfico momentáneos e desvíos por vías alternativas.
Para garantir a seguridade dos centos de persoas que asistirán, o Concello de Viveiro ten preparado un dispositivo especial integrado por membros da Policía Local e Protección Civil, que se encargarán de velar polo correcto desenvolvemento do evento.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
