Estas actividades súmanse ao ciclo de concertos de acceso libre e gratuíto Con voz de muller e á exposición Elvira López Mourín. Unha enfermeira de altura que ten preparado a institución provincial con motivo do 8-M
Lugo, 27 de febreiro de 2023. A Deputación de Lugo organiza nos seus centros de atención a maiores un programa de actividades para conmemorar o Día Internacional da Muller, unha iniciativa que forma parte do modelo asistencial implantado nas residencias pola institución provincial en colaboración cos concellos e que ten como un dos obxectivos centrais a plena integración dos usuarios e usuarios na vida social e cultural do concello no que residen.
Os maiores vivirán unha xornada especial, pois vestiranse con traxes tradicionais galegos cedidos polo Centro de Artesanía e Deseño da institución provincial. O Servizo de Audiovisuais da Deputación encargarase de fotografalos con esta vestimenta típica, coa que contarán e repasarán a súa historia e a evolución da sociedade en canto aos dereitos e a igualdade das mulleres. Cada centro contará cun día para conmemorar o 8 de marzo dende este luns e ao longo do mes de marzo.
Así mesmo, os residentes elaborarán uns broches en forma de sombreiro que simbolizan o que cargan as mulleres na sociedade. As pezas serán entregadas na contorna dos centros de maiores, como colexios, tendas ou centros de saúde para dar visibilidade á súa participación no Día da Muller.
Concertos gratuítos esta fin de semana en Vilalba, Taboada, A Fonsagrada e Viveiro
As actividades na residencias súmanse á programación que organiza a Deputación de Lugo para celebrar o Día Internacional da Muller. Así, este venres, día 3 de marzo, arranca a segunda edición do ciclo de concertos Con Voz de Muller 8-M, de acceso libre e gratuíto, coa actuación da Banda da Loba no auditorio Carmen Estévez de Vilalba, ás 20.30 horas. Caamaño&Ameixeiras soará o sábado 4 na praza Riazón de Taboada, ás 19.00 horas; e o domingo será a quenda de Catuxa Salom, no Salón de Actos dos Chaos da Fonsagrada, e Margarida Mariño, no Teatro Pastor Díaz de Viveiro, en ámbolos dous concellos tamén ás 19.00 horas.
Ademais, o vindeiro luns, 6 de marzo, a Deputación inaugurará no Pazo de San Marcos a exposición Elvira López Mourín. Unha enfermeira de altura, unha mostra impulsada pola Academia de Enfermería de Galicia e o Colexio de Enfermería de Lugo, coa que colabora a institución provincial. A exposición busca dar a coñecer a figura desta enfermeira lucense, que fai cen anos converteuse na primeira en participar nun voo médico sobre o territorio inimigo no conflito do Rif. A Deputación tamén colaborou coa edición do libro sobre a vida desta sanitaria, un proxecto ao que dedica 9.000€.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
