Durante o directo emitiranse promocionais do Centro de Formación Audiovisual e da sección Descubrindo Lugo que elabora o Servizo de Audiovisuais da Deputación para fomentar o coñecemento do patrimonio natural, monumental, cultural e etnográfico da provincia
Lugo, 8 de febreiro de 2023. Os alumnos e alumnas de 2º de Realización do Centro de Formación Audiovisual (CFA) da Deputación de Lugo serán os encargados do streaming do XV Campionato Internacional de Baristas de Escolas de Hostalería e do IX Campionato Internacional de Baristas Profesionais, que se celebran desde este mércores ata o venres, 10 de febreiro, no concello de Foz. Paralelamente, terán lugar os certames de Catas de Café, tanto na categoría de escolas como de profesionais.
A competición, organizada polo IES de Foz, comeza esta tarde, ás 17:00 horas, coa participación de centros de ensino de cinco comunidades: Galicia, Asturias, País Vasco, Castela e León, e Madrid. A emisión en directo, que poderá seguirse na canle de YouTube do Servizo de Audiovisuais da Deputación, continuará mañá, ás 9:30 horas, coa retransmisión da final da competición de escolas e a entrega de premios. O venres, tamén a partir das 9:30, poderase ver en directo o IX Campionato Internacional de Baristas Profesionais.
Práctica nun escenario real e promoción da provincia
Os estudantes do CFA, acompañados por un docente, xa están no IES de Foz traballando nos preparativos necesarios para levar a cabo o streaming. Nesta ocasión empregarán seis cámaras e todo o material preciso para a realización dun programa de televisión en directo. Cada alumno rotará por todos os postos, como realización e operador de cámara, e serán os responsables do son e dos rótulos, entre outras tarefas.
Ademais de servir de práctica nun escenario real aos alumnos, este directo a través de internet contribuirá a promoción da provincia e do modelo educativo, público e de calidade, que promove a Deputación a través do seu Centro de Formación Audiovisual. Ao longo da retransmisión emitiranse promocionais tanto do CFA como da sección de Descubrindo Lugo que elabora o Servizo de Audiovisuais da institución provincial, destinada á fomentar o coñecemento do patrimonio natural, monumental, cultural e etnográfico da provincia.
Programa dos Campionatos
O programa arranca este mércores ás 16:30 horas cunha exhibición de Adrián García e Sergio Varela do Centro de Educación Especial de Pontevedra, medalla de ouro na especialidade de servizos de restauración no I Campionato galego FP Básica Skills Galicia 2022.
As 17:00 comezará a final do XV Campionato Internacional de Baristas de Escolas de Hostalería e o X Campionato Internacional de Catas de Cafés de Escolas de Hostalería, O xoves pola mañá rematará a final do campionato de Escolas e pola tarde será o III Campionato Internacional de Cata de Cafés de Profesionais. Xa por último, venres, 10 de febreiro, rematará o encontro co IX Campionato Internacional de Baristas Profesionais.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
