Ribadeo, 14 de febreiro de 2023. O Pleno do Concello aprobará este xoves, día 16, os pregos para licitar a xestión do ciclo integral da auga en Ribadeo. Suporá melloras na calidade auga de consumo, con dous novos e modernos sistemas de ozonización, ademais da eliminación de subprodutos da desinfección. Ampliarase a capacidade de auga almacenada en mais do dobre cun novo deposito de 4.660 m3 E está prevista tamén a ampliación da capacidade hidráulica da ETAP de Vilarbetote.
O alcalde, Fernando Suárez, dixo que “logo do remate previsto para o vindeiro mes de marzo do actual ciclo de concesión da auga e saneamentos municipais en Ribadeo que tivo inicio hai 25 anos, no 1998, desde o Concello lévase moito tempo planificando técnica e xuridicamente a mellor xestión do novo ciclo da auga, saneamento e depuración para un novo período”.
O rexedor contou que “se estiveron estudando tecnicamente aqueles aspectos materiais e técnicos onde se deben reforzar as infraestruturas e os procedementos para dar un mellor servizo a toda a cidadanía que recibe este servizo básico municipal. Neste novo paso que temos por diante, o Pleno do Concello tratará a aprobación dos Pregos Técnicos e Administrativos para a próxima licitación do contrato do ciclo integral da auga de Ribadeo por un prazo de 20 anos”.
Suárez Barcia indicou que “a preocupación municipal polo ciclo integral da auga inclúe a necesidade de ir mais aló, buscando a excelencia, en diversas cuestións como a calidade da auga de consumo, a renovación das antigas canalizacións de fibrocemento, a separación de augas pluviais e residuais, a redución de perdas e fugas, a dixitalización na recollida de datos de consumo e aforro, a diminución das roturas e a creación de depósitos de auga tratada”.
O alcalde relatou que “todas estas accións enmárcanse nunha nova xestión mais racional e tecnolóxica, pero igual de responsable que ata o de agora, dos recursos hídricos e o respecto á biodiversidade. Neste sentido, son proxectos aliñados cos Obxectivos de Desenvolvemento Sostible das Nacións Unidas (ODS 6, “auga limpa e saneamento”) e coas políticas europeas, concretamente co GreenDeal, un acordo entre todos os Estados Membros para canalizar unha transición verde. Doutra banda, o impacto de nova lexislación no sector, como a Lei 1/2022, do ciclo integral da auga, ou a nova lei de auga de consumo RD 3/2023, obrigan o Concello de Ribadeo a unha xestión mais profesional e integral do ciclo da auga. Por iso, neste novo concurso recóllense aspectos e infraestruturas que melloran e amplían o anterior contrato, coma a extensión do servizo a varias parroquias de Trabada, así como unha serie de fosas sépticas e bombeos de augas residuais que carecían do axeitado mantemento”.
Fernando Suárez subliñou que “o futuro contrato levará aparelladas unha serie de inversións moi necesarias, como o novo depósito de 4.660 m3 de capacidade, que permitirá asegurar o subministro de auga, aínda en caso de rotura da acometida xeral ou fallo no subministro de enerxía eléctrica. Tamén lle damos moita importancia á calidade da auga de consumo, que cos novos sistemas de ozonización que mellorará o sabor e fará desaparecer os posibles olores da auga tratada, eliminando calquera resto de materia orgánica e outros contaminantes da auga bruta sen xerar subprodutos que poidan prexudicar a saúde dos consumidores. Esta moderna tecnoloxía, mais aló das exixencias legais, colocará a Ribadeo na vangarda das técnicas de potabilización, equiparando a calidade da auga municipal á dos mellores servizos de abastecemento de Europa”.
O rexedor engadiu que “a inversión mínima prevista para o concesionario ascende a 3.200.000 euros, e a esta cantidade poden engadirse mais inversións dependendo das propostas dos licitantes. Ademais do anterior, cómpre destacar no novo concurso o novo paquete de ferramentas informáticas que permitirán ao Concello un estreito control da evolución da concesión, o desempeño do novo concesionario, a calidade da auga, e a dispoñibilidade do recurso”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
