O proxecto pretende encher de vida locais existentes e aspira a incrementar outras actividades e espazos por todo o territorio
Barreiros, 11 de marzo de 2023. O Concello de Barreiros, a través do obradoiro de emprego que está a levar a cabo xunto co Concello de Ribadeo, vai poñer en marcha un novo proxecto de dinamización e promoción da lectura a través da creación ou adaptación de dous espazos públicos nos que a veciñanza poida desfrutar da lectura de forma activa, individual e/ou colectivamente.
O proxecto consistirá en acondicionar dous espazos en locais municipais existentes para dotalos dunha pequena biblioteca e do material necesario para poder levar a cabo actividades e proxectos relacionados coa lectura. Ao mesmo tempo, realizarán unha campaña de doazón de libros entre a veciñanza para promover a reutilización dos mesmos.
A alcaldesa, Ana Ermida, explica que este proxecto “nace do convencemento da necesidade de dotar os locais que existen nas parroquias de vida e de actividades que permitan á veciñanza que vive en cada lugar contar con estruturas nas que socializar e realizar actividades colectivas.” Ana Ermida sinala que “se convirte en realidade unha idea na que levamos traballando desde o inicio do mandato e cuxa posta en marcha se complicou coa pandemia e as limitacións das xuntanzas, pero que por fin vai tomando forma e iniciándose dun xeito moi ilusionante”.
O concelleiro de dinamización, Dani García, agradece ao persoal da especialidade de dinamización, programación e desenvolvemento de accións culturais do Obradoiro Vilas Coidadoras que traballen neste proxecto que “permitirá achegar a lectura e as actividades relacionadas aos núcleos máis afastados da biblioteca municipal, poñendo así a disposición da veciñanza o acceso á lectura dun xeito máis próximo e cómodo”.
García explicou que nestes días tamén se puxeron en contacto coas asociacións dos distintos lugares da zona interior do concello para darlles traslado do proxecto e contrastar o interese das mesmas por acollelo e colaborar no seu desenvolvemento; xa que “a idea é que sexan as propias asociacións as que, en coordinación co Concello, xestionen despois eses espazos, dotándoos de certa autonomía que permita adaptarse ás necesidades da veciñanza”.
Nesta primeira fase, na que se pretende valorar a acollida do proxecto, habilitaranse dous espazos deste tipo entre os lugares nos que se manifeste interese en contar con eles; atendendo a criterios de idoneidade dos espazos, poboacionais e territoriais.
Porén, tal e como sinala o concelleiro, “esto trátase só do inicio dun proxecto co que pretendemos darlle vida aos locais existentes, poñéndoos en valor e evitando que permanezan pechados e sen actividades ou con actividades moi puntuais”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
