Viveiro, 23 de marzo de 2023. O Concello de Viveiro e o Conservatorio Profesional de Música organizan a vindeira semana as Xornadas de Corais Infantís, así como os Cursos Gratuítos para Adultos nos meses de abril e maio.
As Xornadas de Corais Infantís, que nacen froito da paixón das xentes de Viveiro por esta música, iniciaranse este martes, día 28, coa actuación do Coro do CEIP de Celeiro. O concerto comezará as 17:30 horas no Salón de Actos do Conservatorio coa presenza das 50 voces que conforman o coro dirixidas pola profesora Marta Pérez Lage.
O segundo concerto celebrarase o venres 31, dende as 17:30 horas, tamén no Salón de Actos do Conservatorio. As 40 voces do Coro do colexio Lois Tobío de Viveiro estarán dirixidas polo profesor do centro Iván Vale Fraga.
“Con este tipo de actos amosamos o compromiso do Concello de Viveiro pola cultura en xeral e, neste caso particular, pola música, que está tan arraigada na nosa vila”, subliña a alcaldesa María Loureiro.
Por outra banda, o Conservatorio Profesional de Música impartirá nos meses de abril e de maio os cursos gratuítos para persoas adultas.
As actividades divídense entre o Curso de Iniciación, dirixido a persoas sen coñecementos previos que teñan inquietude por achegarse ao mundo da música dunha forma amateur, e o Curso de Entoación, para os veciñas e veciñas coñecedoras xa de linguaxe musical que queiran afondar nesta parte tan importante desta disciplina. Este último está especialmente deseñado para integrantes de coros.
Ambos cursos, organizados polo Concello de Viveiro, impartiranse nas dependencias do Conservatorio Profesional de Música por profesores especializados na materia.
Para poder formalizar a reserva de matrícula ou solicitar máis información os interesados deben dirixirse ao propio Conservatorio ou chamar ao teléfono 982 560 486.
O período de matrícula ábrese mañá venres, día 24, e permanecerá aberta ata o 31 de marzo.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
