Foz, 20 de marzo de 2023. O Concello de Foz humanizará a contorna da Sala Bahía e ampliará o patio de xogos da escola infantil A Galiña Azul. Destina algo máis de 83.000 euros do Plan Único 2023 para este proxecto.
“Dispoñer dun espazo de encontro e dunha zona peonil de descanso para a Sala Bahía e a Galiña Azul”. Así define o alcalde de Foz, Fran Cajoto, o obxectivo da actuación proxectada para a contorna da Sala Bahía e da Galiña Azul, que “pretende poñer en valor o histórico edificio multiusos de Foz. Estamos a falar dun entorno a onde tódolos días se desprazan familias con pequechos. Unha zona onde centos de persoas acoden a eventos que se celebran na Sala Bahía. Unha área de servizos moi importante que se completa coa estación de autobuses: cremos moi importante crear un espazo seguro, agradable, que facilite os movementos peonís e que ademais poña en valor un edificio tan emblemático como é a Sala Bahía. Cos traballos de asfaltado da explanada traseira do Bahía, que executamos nesta lexislatura, acondicionamos unha importante zona de estacionamento. E con esta nova actuación complétase a urbanización pensando nas persoas”.
A concelleira de Cultura, Inés López Couto, destaca que “a Sala Bahía é un edificio histórico para Foz, forma parte da vida de veciñas e veciños que desfrutaron grandes momentos nela. Actualmente continúa tendo unha vida cultura ampla e acolle festivais, teatro ou eventos tan importantes como o Entroido de Foz. Debemos seguir coidándoa para que estea nas mellores condicións. De calquera xeito imos seguir reclamando á Xunta de Galicia que colabore para dotar a Foz, o segundo concello da Mariña, do auditorio que tanto necesita”.
Por outra parte o alcalde explica que “na Galiña Azul temos un problema de espazo para os nenos: o patio de xogos ten unhas dimensións moi reducidas. Por iso, ante a falta de compromiso do Consorcio e as demandas da dirección da gardería e dos pais e nais do centro, decidímonos a investir fondos a amplialo. Coa modificación da porta de acceso á Sala Bahía -xa realizada nun proxecto anterior- e os traballos definidos imos gañar un novo patio de xogos exterior moi necesario no lateral da Galiña Azul. A gardería pasará dun patio de 117 a 188 metros cadrados, cun pavimento de caucho completamente renovado en toda a superficie”.
Fran Cajoto engade que “as obras, que inclúen unha nova situación dos cubos de lixo, a disposición de catro bancos e árbores ornamentais para crear un entorno agradable, transformarán en peonil o acceso da Galiña Azul e a Sala Bahía desde a Avenida de Viveiro. Novas canalizacións de pluviais, iluminación exterior con catro luminarias led de nova instalación e un firme de formigón impreso daranlle unha nova perspectiva a este espazo tan utilizado da vila”.
“Seguimos traballando para un Foz máis cómodo, coidado e amable”, remata o alcalde.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
