Os populares explican que, ademais de acordos puntuais, a Xunta convoca axudas dirixidas aos Concellos para a mellora de instalacións deportivas e, polo tanto, instan a “solicitalas en tempo e forma”
Viveiro, 24 de marzo de 2023. O PP lamenta que o goberno local de Viveiro incumprira os prazos para recibir a axuda de 40.000 euros que tiña asignada por convenio coa Xunta para a mellora do campo de Lavandeiras.
Os populares explican que “o Goberno galego amosou a súa vontade de colaborar na mellora das infraestruturas deportivas do municipio”, pero “a responsabilidade de que esta achega non se teña materializado é do goberno local, que era o responsable de tramitar a adxudicación dos traballos, procedemento que finalmente quedou deserto”.
Dende o Partido Popular de Viveiro lembran que “o Concello asinou coa Vicepresidencia segunda e Consellería de Presidencia, Xustiza e Deportes un convenio o pasado 27 de outubro mediante o que a administración autonómica se comprometía a achegar 40.000 euros para mellorar as dotacións no campo de deportes municipal, mentres que o Concello debería aportar 51.782,67 euros”. Os populares recalcan que “estas dúas foron as únicas administracións involucradas neste acordo”.
A vixencia do convenio expiraba o 31 de decembro do 2022 e establecía como prazo para xustificar as obras o 23 de decembro. Os populares sinalan que “o Concello comunicou á Xunta en novembro que o procedemento de contratación quedaba deserto e que resultaba imposible executar os traballos dentro da anualidade comprometida”.
O Partido Popular de Viveiro explica que a Secretaría Xeral para o Deporte, ademais de acordos coma este para proxectos puntuais, convoca axudas dirixidas a Concellos e entidades deportivas para contribuír á construción e mellora de instalacións deportivas en todo o territorio. É por iso polo que os populares instan ao goberno local “a solicitar en tempo e forma este tipo de axudas para facer realidade a mellora do campo de Lavandeiras”.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
