A candidata á Alcaldesa do Vicedo avanzou que xa están funcionando os grupos de traballo para elaborar o programa electoral e implicar a tódolos colectivos do municipio. “Necesitamos políticas progresistas, que dean resposta ás demandas da veciñanza e que contribúan a facer do Vicedo un lugar idóneo para vivir e traballar”
O Vicedo, 24 de marzo de 2023. Os socialistas do Vicedo presentaron este venres na Casa da Cultura do concello mariñano a súa candidata ás eleccións municipais do 28 de maio, “un proxecto ilusionante e renovador” con María Pérez Santaballa á fronte, que se estrea nesta convocatoria como cabeza de lista, “para gañar a Alcaldía”.
A Secretaria de Organización do PSdeG na provincia de Lugo, Pilar García Porto, xunto ao Senador César Mogo participaron no acto, no que agradeceron e puxeron en valor “o paso adiante no compromiso co socialismo e co seu concello” que deu María Pérez, “a mellor candidata para O Vicedo”.
A incorporación da avogada vicedense como cabeza de lista “é un exemplo do importante proceso de renovación que levamos adiante no Partido Socialista”, subliñou García Porto, quen lembrou que nestas eleccións municipais “renovamos o 30% dos candidatos e candidatas, e somos o partido polo que se presentan máis mulleres na provincia, e, probablemente, do resto das provincias de Galicia, con máis de 20 candidatas”. “A nosa defensa do feminismo”, recalcou, “non é postureo, é unha realidade, que demostramos con feitos”.
A candidata a Alcaldesa do Vicedo, asegurou a Secretaria de Organización dos socialistas na provincia, “vaille dar un novo impulso ó proxecto socialista, á nosa loita pola Alcaldía, polo futuro do Vicedo e da Mariña. Un novo impulso á loita que durante tantos anos sacou adiante o compañeiro Vicente Parapar, ó que quero agradecer o seus profundo compromiso socialista, os seus valores e o traballo incansable que fixo durante todo este tempo”.
García Porto incidiu en que O Vicedo “necesita un cambio radical, e os socialistas temos unha candidata con capacidade de traballo e con experiencia para gobernar, para atender as necesidades dos veciños e das veciñas, e para impulsar novas iniciativas de futuro para que a xente non siga marchando de quí, para crear riqueza, emprego e para favorecer o dinamismo económico, como estamos demostrando no Goberno de España e como demostramos na Deputación de Lugo. Esas son as nosas prioridades”.
Lista renovada
Pola súa banda, a candidata socialista dixo sentirse moi orgullosa de encabezar a lista do seu pobo, incidindo en que presenta “un proxecto ilusionante para chegar á Alcaldía do Vicedo”. “Fágoo”, engadiu, “acompañada dunha lista renovada, con xente de tódalas idades e de tódalas parroquias do municipio, con compañeiros e compañeiras que traballan nas asociacións veciñais e nos colectivos locais”.
“Queremos loitar por un futuro mellor para os nosos fillos e fillas”
María Pérez Santaballa avanzou tamén que xa están funcionando os grupos de traballo para elaborar o programa electoral e implicar a tódolos colectivos do municipio. “Queremos darlle voz a tódolas entidades da nosa vila, principalmente ás asociacións que colaboran na programación de actos do Vicedo”. “Necesitamos políticas progresistas, que dean resposta ás demandas da veciñanza e que contribúan a facer do Vicedo un lugar idóneo para vivir e traballar. Queremos loitar por un futuro mellor para os nosos fillos e fillas”, dixo.
Foi Concelleira con Melchor Roel
María Pérez Santaballa (1974) medrou no Vicedo, onde se estableceu a súa familia. Alí participou nas actividades que realizaba a Asociación Os do 21, un colectivo do que presume e se sente moi orgullosa. É licenciada en Dereito pola UDC (1997), e tamén cursou estudos na UNED de Ciencias Políticas. E nai e traballa como avogada dende que se licenciou. Ademais, xa formou parte da Corporación municipal de Viveiro como Concelleira no 2003, sendo Alcalde Melchor Roel.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
