Lamentan o abandono do paseo de Area, “sucio e sen alumeado”, e piden beirarrúas para a vía que baixa á praia
Viveiro, 7 de marzo de 2023. Dentro da rolda de contactos coas asociacións locais que a candidata á alcaldía de Viveiro polo Partido Popular leva desenvolvendo desde a súa designación, Mariña Gueimunde mantivo un encontro cos veciños de Faro Area para coñecer cales son as principais necesidades da parroquia. O estado de conservación dos viais e doutros espazos públicos centraron as súas preocupacións.
Así, os veciños expuxeron a Mariña Gueimunde a necesidade de tramitar ante a Deputación de Lugo, titular do vial, a reparación do firme da estrada que une Area con Faro, e proceder ao seu pintado e sinalización, pois, á parte de ser a arteria principal da parroquia, é unha estrada que no verán ten bastante tráfico. Idénticos labores de mantemento reclaman do ente provincial para a estrada que baixa á praia de Area desde a estrada da costa, para a cal propoñen ademais dotala de beirarrúas nunha das súas marxes; así como limitar a velocidade e reformular os aparcamentos.
O estado do paseo de Area é outro dos temas que reclama o interese da asociación. Segundo manifestaron os veciños á candidata do PP, o paseo atópase “en estado de abandono, sen iluminación, sucio e en mal estado”. Abandono que tamén aprecian no río de Area, o cal, aseguran, “está cheo de maleza e ofrece unha moi mala imaxe aos visitantes”.
Tamén consideran os veciños que se debe pasar a rozadora por todas as estradas de Faro, xa que na primavera, a maleza invade as vías por ambos os lados e fai perigoso pasear por eles.
BUS ESCOLAR E IGREXA DE FARO
Os veciños expresaron a Mariña Gueimunde a incomodidade que para os nenos da parroquia supoñen os puntos de parada do autobús escolar pois, segundo din, “o bus para onde non viven nenos e non se detén onde si viven”. Por iso suxiren estudar modificacións en canto ás súas paradas.
Así mesmo, denuncian o precario estado da igrexa de Faro, que ten un buraco na parede de grandes dimensións e o interior está abandonado, afirman. Propoñen tramitar a súa reparación.
Os veciños piden tamén maior atención ao local social no sentido de dotalo de mobiliario novo e realizar nel as reparacións necesarias así como dotalo de iluminación exterior.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
