O Secretario Xeral do PSdeG na provincia e Presidente da Deputación felicitou a José Ramón Besteiro: “Para min é unha satisfacción moi grande, persoal e tamén colectiva de tódolos compañeiros, despois destes sete anos que lle fixeron pasar, con mentiras, falsidades e inventos”
Lugo, 28 de marzo de 2023. O Secretario Xeral do PSdeG na provincia e Presidente da Deputación de Lugo, José Tomé Roca, subliñou sobre a volta de José Ramón Gomez Besteiro á primeira liña da política e da representación institucional co seu nomeamento como Delegado do Goberno en Galicia que “hoxe é un gran día para Lugo e para Galicia, un gran día para o PSOE e un moi mal día para o Partido Popular”.
En declaracións aos medios, previas ao Pleno da Deputación de Lugo, José Tomé manifestou: “Para min é unha satisfacción moi grande, persoal e tamén colectiva de tódolos compañeiros. Por iso, o primeiro que quero é felicitalo a el porque o merece, despois destes sete anos que lle fixeron pasar, con mentiras, con falsidades e con inventos”.
Sobre a súa nova responsabilidade mostrouse convencido de que “vai facer unha excelente labor á fronte da Delegación do Goberno en Galicia. É un home con experiencia política que conta cunha traxectoria política enorme”.
“Candia debe pedir desculpas públicas ou irse da política”
“Eu que xa teño unha dilatada vida sindical e política no ámbito público, nunca vin un caso semellante como o que a señora Candia lle fixo a José Ramón Gómez Besteiro, inventándose anónimos, dos que despois perde o sobre. Non sabía que inventar para, a través dunha mentira, facer o dano político e persoal que fixo esta señora”. “Espero que teña a dignidade de pedir desculpas e, senón, o que ten que facer é irse da política, porque non vale todo. E sobre todo, se quere ser Alcaldesa da capital da provincia, que non o vai a ser, desde logo ten que empezar a ter outras formas, porque non valen as mañas que está practicando a señora Candia”.
Preguntado polos medios de comunicación por unha futura candidatura de Besteiro á Xunta de Galicia, Tomé Roca asegurou que “poder ser un candidato excelente para todo. A partir de aí, ten que ser el o que diga en que terreo de xogo quere xogar”. E insistiu, “hoxe é un bo día para o PSOE, pero para o PP non tanto, xa tiveron demasiados bos días baseándose en mentiras e en anónimos inventados”.
Tamén se referiu ao nomeamento de Jose Miñones como novo Ministro de Sanidade. “Eu xa tiven a ocasión de felicitalo, coñézoo na súa etapa de Alcalde, xa que gañamos as eleccións xuntos no 2015. Teño moi boa relación con el, e sei que vai facer un excelente traballo. Ademais, coñece moi ben a problemática da sanidade galega, que esta desmontada. Nunca estivo tan mal en Galicia como co Goberno do PP, que levan gobernando dende o 2009. E o señor Feijóo, que foi dar leccións a Madrid, pero vai dando tumbos, non esta en posición de dar leccións de nada, e menos de sanidade”.
“Eu creo que Miñones vai ser sensible cunha problemática que hai, que non xerou o PSOE. En Madrid xerouna Ayuso, aquí en Galicia primeiro Feijóo e agora Rueda, e en Andalucía están privatizando a Atención Primaria. Esta situación non se viu nunca na historia deste país, nin sequera con Franco ocorría iso, pero está ocorrendo co PP totalmente nas mans de VOX ”, afirmou.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
