O evento inclúe, nesta nova edición, 12 representacións, encontros internacionais e accións culturais e pedagóxicas nos concellos de Foz, Mondoñedo, Barreiros, Lourenzá, Alfoz, Ribadeo e Cervo
Lugo, 26 de abril de 2023. O Deputado de Promoción Económica e Social, Pablo Rivera Capón, vén de asinar un convenio de colaboración no Pazo de San Marcos co presidente da Fundación Xesús Bal y Gay, Enrique Rodríguez Baixeras, polo cal a institución provincial achega 12.000€ á organización do Festival Bal y Gay deste ano, que se celebrará do 11 ao 24 de agosto en diferentes escenarios emblema da Mariña. En concreto, nos concellos de Foz, Mondoñedo, Barreiros, Lourenzá, Alfoz, Ribadeo e Cervo.
Rivera Capón subliñou que o evento “converte á Mariña e á provincia de Lugo nun referente da música clásica, promovendo a formación e a difusión musical con concertos e experiencias artísticas onde a música comparte protagonismo coa nosa historia, paisaxe e patrimonio arquitectónico”.
Así mesmo, o Deputado destacou que esta cita “enriquece a oferta cultural e, ao mesmo tempo, dinamiza a economía da comarca, proxectando os seus atractivos”. Por iso, a Deputación vén apoiando desde os seus inicios este proxecto, xa que “responde á perfección ao modelo de turismo que impulsamos dende a Deputación, de calidade, sostible, de experiencias, que coida o noso patrimonio e que deixa valor no territorio en termos económicos e de emprego”.
Pola súa banda, o presidente da Fundación Xesús Bal y Gay destacou que esta cita musical, xa consolidada como un referente cultural de referencia, “vai máis aló dun festival de música clásica”, en tanto que contén “actividades complementarias de carácter formativo e educativo”.
O Festival Bal y Gay ofrecerá máis de doce representacións, encontros internacionais e accións culturais e pedagóxicas en espazos escénicos de todo tipo, desde emblemas arquitectónicos da Mariña, ata locais multidisciplinares, contribuíndo á dinamización do rural a través da cultura.
O ciclo Música á beira do mar ofrecerá, como na edición pasada e grazas ao éxito obtido, concertos entre 11 e o 24 de agosto, onde se poderá desfrutar de artistas habituais das grandes salas de concertos, como son o destacado cuarteto Casals e Quiroga, entre outros.
Ademais, a programación contará con dous concertos sinfónicos coa Orquestra Sinfónica de Galicia e a Real Filharmonía de Galicia. Tamén inclúe un coidadoso repertorio, desde o barroco máis temperán, ata música contemporánea, jazz e soul.
En canto aos escenarios onde terán lugar os espectáculos, destacan a Basílica de San Martiño de Mondoñedo, situada no municipio de Foz, e considerada a catedral máis antiga de España; o Teatro Pastor Díaz en Viveiro; a Catedral de Mondoñedo encomiada polas súas perfectas proporcións; o Pazo do Conde de Fontao; a emblemática Fábrica de Sargadelos; ou o maxestoso Mosteiro de San Salvador en Vilanova de Lourenzá, un referente do barroco galego e declarado monumento histórico-artístico no ano 1974; ou a Torre Fortaleza do Mariscal Pardo de Cela en Alfoz.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
