Esta actuación completarase coa nova depuradora, obxecto dun proxecto independente, que está redactado e en fase de tramitación ambiental
Compostela, 20 de abril, 2023. O Executivo autonómico deulle o visto é prace á colaboración técnico-financeira entre a Consellería de Infraestruturas e Mobilidade, a través de Augas de Galicia, e o Concello de Burela, para materializar unha primeira fase da mellora do sistema de saneamento e depuración do municipio, que se complementará coa nova depuradora, que forma parte dun proxecto independente, que está redactado e en fase de tramitación ambiental.
As actuacións teñen como obxectivo o reforzo da capacidade dos colectores existentes, evitando os alivios sen tratamento previo e concentrando nun único punto as augas a tratar para o seu envío á nova depuradora, funcionando como bombeo de cabeceira.
Segundo establece a colaboración técnico-financeira autorizada hoxe polo Consello da Xunta, Augas de Galicia asumirá integramente o financiamento, contratación e execución das obras.
Pola súa banda, o Concello de Burela asume a colaboración na realización das xestións pertinentes para posibilitar a execución das obras, así como a recepción, mantemento e conservación das actuacións que se leven a cabo.
Esta actuación será cofinanciada pola Unión Europea a través do Fondo Europeo de Desenvolvemento Rexional no marco do programa operativo FEDER Galicia 2014-2020 e FEDER Galicia 2021-2027.
Unha vez autorizada hoxe a colaboración, Augas de Galicia prevé licitar as obras nas próximas semanas, co obxectivo de comezar os traballos ao final deste mesmo ano 2023. A actuación conta cun prazo de execución de 15 meses, incluída a posta en marcha das instalacións.
A actuación obxecto do acordo de colaboración autorizado hoxe polo Executivo autonómico desenvólvese na súa totalidade no ámbito do porto de Burela, con inicio na glorieta final do novo viario de acceso portuario, desenvolvéndose ao longo de todo o viario principal do porto, rúa Eijo Garay, rúa do Porto e o viario do dique.
En concreto, as obras proxectadas pola entidade hidráulica da Xunta comprenden a execución dunha estación de bombeo e tratamento de augas residuais que recollerá a maior parte das augas residuais de Burela para impulsalas cara á futura depuradora.
A intervención tamén inclúe a renovación da rede de colectores xerais de saneamento para redirixir as augas residuais á nova estación de bombeo e tratamento de augas residuais; e a execución de novos colectores secundarios para dar servizo de saneamento a toda a zona portuaria, reducindo a infiltración de auga ao sistema na zona da fronte marítima.
Ademais, construiranse unha impulsión desde a nova estación de bombeo e tratamento de augas residuais á nova depuradora; unha condución de vertido entre a nova depuradora e a instalación actual; e un bombeo secundario e a correspondente impulsión á nova depuradora da zona adxacente á lonxa.
O Goberno galego impulsa estes traballos de mellora do sistema de saneamento deste municipio lucense en apoio ás competencias municipais en materia de saneamento e depuración.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
