“Pedimos para este concello o mesmo que se xa se fixo noutras partes do Estado con proxectos serios e investimentos moi importantes”, alegou Pontón
Santiago de Compostela, 21 de abril, 2023. A portavoz nacional, Ana Pontón, desprazouse As Pontes onde realizou unha visita á empresa Intacta e onde mantivo un encontro coa candidatura do BNG ás eleccións municipais do 28M que encabeza Carmela Franco. A líder do Bloque abordou a cuestión da transición enerxética e as repercusións neste concello, poñendo sobre a mesa as propostas que formula A formación nacionalista como alternativas de futuro.
“A transición enerxética é totalmente necesaria, pero esa transición enerxética debe facerse con xustiza e con democracia, e non para poñerlle a etiqueta verde ao espolio de toda a vida”, indicou, “e se en Galiza hai algún concello ao que se lle debe unha transición enerxética xusta ese é As Pontes, despois do peche da central térmica”.
E, nese sentido, o BNG formula dúas propostas concretas para revitalizar industrialmente este concello. En primeiro lugar, explicou Pontón, un concurso de transición xusta para os 1.400 megavatios liberados tras o peche da central térmica, como se fixo noutras partes do Estado, cando menos dos 700 megavatios que xa están dispoñibles.
“Un concurso que incentivaría proxectos industriais con investimento e creación de emprego no concello, mediante un proceso con bases de concorrencia e supervisado polo Goberno do Estado a través da empresa pública REDEIA, un concurso de transición xusta que implicaría a presentación de proxectos con rigor documental e con garantía bancaria para o seu cumprimento”, indicou a líder do Bloque.
Pero inexplicablemente, nin o Goberno do Estado nin o Goberno da Xunta están traballando nesa dirección, lamentou, e en lugar de “proxectos serios a través dun concurso xusto de transición, asistimos a unha serie de anuncios propagandísticos, unha especie de mercadeo sen rigor nin solvencia, porque máis aló de titulares de prensa non hai proxectos documentados e avaliado por unha autoridade”, explicou.
Ademais dese concurso de transición xusta, o Bloque tamén propón para revitalizar industrialmente As Pontes a creación dun Centro de I+D+i de almacenamento de enerxía no concello. “É evidente que conseguir almacenar enerxía é un elemento clave da transición enerxética, e desde o BNG queremos que Galiza se converta nun referente de investigación e innovación no eido do almacenamento de enerxía, porque é unha clave de futuro. As Pontes é o lugar idóneo, porque aquí hai todos os tipos de enerxía: ciclo combinado, eólica e hidráulica e estamos falando de investigar como almacenar enerxía”, argumentou.
No encontro coa candidata á Alcaldía, Carmela Franco, integrantes da lista do BNG ás municipais e co deputado da comarca, Ramón Fernández, tamén se abordou a necesidade de mellorar os servizos sociosanitarios. Dende o centro de día, Pontón lembrou que este equipamento social foi o último que se fixo nesta localidade en materia de servizos sociais, impulsado polo BNG desde o Goberno galego”.
Por tanto, As Pontes precisa máis servizos públicos para a súa veciñanza, como unha residencia pública de maiores pola que os veciños e veciñas levan 16 anos esperando e tamén é necesario mellorar as dotacións sanitarias do centro de saúde, reforzando o servizo de pediatría, aportando o servizo de xinecoloxía e tamén para poder realizar as probas de raios X, evitando desprazamentos a Ferrol.
“Son algunhas das propostas que o BNG defende para As Pontes e que forma parte dos obxectivos da candidatura que lidera Carmela Franco de cara ás eleccións do 28M. Unha candidatura con capacidade para construír a favor deste concello, que combina experiencia con renovación e que ten un proxecto de futuro para este municipio”, concluíu.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
