O popular José María Fernández di que “o que debe preocupar á alcaldesa é que en todos os anos que estivo á fronte do Concello non houbo ningún investimento relevante; iso si que debe preocupala”
Trabada, 23 de abril de 2023. O 28 de maio haberá eleccións locais e todos os partidos presentan estes días as súas candidaturas. É un tempo no que a competencia entre partidos é especialmente acusada e máis aínda no terreo da política máis próxima aos cidadáns. Pero, por iso mesmo, porque a proximidade implica coñecemento do outro, é recomendable medir con prudencia o que se di. O portavoz e candidato do PP á alcaldía de Trabada, José María Fernández, asegura que a alcaldesa e aspirante socialista a repetir no cargo, Mayra García, non mediu moi ben as súas afirmacións na presentación da súa candidatura, nin o fixeron tampouco o secretario xeral dos socialista galegos, Valentín González Formoso, e o delegado do Goberno, José Ramón Gómez Besteiro. Fernández sinala: “Como saben todos os veciños de Trabada, os investimentos máis relevantes que se levaron a cabo neste concello foron debidos á Xunta de Galicia, pilotada polo PP; polo tanto, non ten moito sentido, máis aló da pura demagoxia, vir a Trabada a cargar contra a Xunta”. Fernández recomenda a Formoso e Besteiro que coñezan ben cal é o estado do municipio, porque a súa realidade non se corresponde coa que viven día a día os veciños.
O candidato popular di: “Acúsanos aos populares a aspirante socialista de ter interese persoal en intentar gobernar en Trabada. Pois máis interese persoal
debe haber no PSOE, porque tres dos seus membros cobran do Concello”. Di que que nin el nin os que conforman a candidatura do PP concorren as eleccións por interese persoal “porque todos temos traballo e non precisamos dedicacións nin soldos a dedo”
José María Fernández tamén declarou: “É inaudito que veñan a Trabada a criticar á Xunta, a Administración que máis investiu neste Concello e sen facelo de xeito sectario”. Engade: “O que debe preocupar á alcaldesa é que en todos os anos que estivo á fronte do Concello non houbo ningún investimento relevante; iso si que debe preocupala”. Indicou que cando Mayra García chegou á alcaldía a residencia da terceira idade xa estaba construída, grazas á xestión do PP.
O portavoz e candidato popular dixo tamén: “Trabada necesita moitas cousas, pero, principalmente que quen estea á fronte do Concello viva neste municipio, pase aquí o día traballando na defensa dos intereses dos veciños. Tamén iso é algo que, como saben os que viven en Trabada, debería ser causa de preocupación de Mayra García, pero parece que non é así”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
