O Valadouro, 30 de abril, 2023. Udival (Independestes por Valdouro) nestas eleccións municipais do 28 de maio vólvese presentar porque “vemos que a situación de abandono e deterioro do noso Val é cada vez maior, dende os pequenos detalles do día a día (falta de limpeza e atención no mantemento de camiños, parques, aceras…) ata a falta de algunha obra ou inversión que revalorice ou facilite a vida a vida dos veciños”.
“Está visto que os grandes partidos non son a solución para os pobos pequenos, porque nestes anos nin a Deputación (gobernada por PSOE e BNG) nin a Xunta (gobernada polo PP) se preocuparon por mellorar nada neste pobo. Da Deputación só nos mandan cartos para feiras e festas, como se con iso fósemos a vivir mellor, e os da Xunta dannos unicamente o que nos corresponde por asignación dos fondos a concellos e este ano tiveron a audacia de vendernos dende a Concellería de Educación o futuro arranxo da Escola como algo excepcional cando é obriga desa Consellería manter as instalacións e, para máis inri, un ou dous días despois deste “magnífico” aviso de “donativo” sae en prensa que a Xunta destinará máis do dobre de cartos para facer un garaxe en Mondoñedo para os vehículos municipais, está visto que estes deben ser máis importantes que os nenos de Valadouro.
Todo isto demostra que pertencer a partidos con representación nacional ou autonómica non garante que os cartos vaian a chegar ós pobos onde están representados, por iso nós somos un grupo de veciños co único fin de revitalizar a vida no noso Val, que se nos escoite e se atenda as necesidades deste pobo porque está visto que sempre fai máis o que ten empeño e ganas que o que tendo medios ten pouco interese por traballar.
A lista está composta por veciñas e veciños de O Valadouro que demostraron e demostran no seu día a día gañas de traballar, de escoitar, de solucionar problemas e de facer máis fácil a vida ós que os rodean.
1.- MARÍA JOSÉ FERNÁNDEZ DÍAZ
2.- NOÉ FERNÉNDEZ ROLLE
3.- PEDRO PAZ GONZÁLEZ
4.-ALBERTO LEGASPI MASEDA
5.-RAMIRO GÓMEZ PAZ
6.- MARÍA DEL CARMEN LORENZO REGO
7.-MARÍA JOSEFINA FERNÁNDEZ REIGOSA
8.- MACARIO SALVADOR MATE TORDABLE
9.-PATRICIA GARCÍA GARCÍA
10.-ALEJANDRA LÓPEZ-LEYTÓN PEINO
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
