Carrera destacou que A Pastoriza “continuaremos a facer unha xestión racional, rigorosa e transparente”
A Pastoriza, 25 de maio de 2023. O Bloque Nacionalista Galego na Pastoriza celebrou no salón de actos do Concello, un acto público aberto no que se deu a coñecer as persoas que conforman a candidatura nacionalista nestas eleccións municipais como as propostas de goberno e de futuro da organización para despois do 28 de maio.
O acto contou con diversas intervencións, no que destacaron as de Olalla Rodil, deputada no Parlamento e a candidata do BNG á alcaldía da Pastoriza, Elva Carrera.
Elva Carrera declarou “teño a sorte de contar cunha equipa de 17 persoas chea de experiencia demostrada de diferentes ámbitos profesionais, que se ampara en novas ideas e o mellor esforzo de eles e elas para facer avanzar A Pastoriza”
Segundo a candidata “o BNG vai continuar coa folla de ruta para seguir mellorando A Pastoriza, dando prioridade as verdadeiras necesidades e resolvendo os problemas das veciñas e veciños, por iso, este 28 de maio precisamos ir a máis, camiñar xuntas e xuntos para que o BNG sexa quen lidere este concello, sempre desde a honestidade, o rigor e as ideas claras, porque A Pastoriza merece moito máis”.
Por outra banda, Carrera destacou “precisamos contar coa convicción de ampliar este proxecto para que as veciñas e veciños teñan máis oportunidades e servizos, a contar cunha administración máis áxil e doada, afondar nun proxecto centrado no desenvolvemento das nosas potencialidades, como é a nosa gandaría, que é unha potencia en Galiza e no Estado”.
“Este domingo 28 temos a oportunidade de que o Bloque Nacionalista Galego lidere un goberno que mire ao futuro, un goberno comprometido co benestar das veciñas e veciños, un goberno capaz de crer sinerxías para poder sacar o mellor deste concello, en definitiva, poñer á fronte da Pastoriza un goberno á altura que merece”, concluíu a candidata nacionalista, Elva Carrera.
Candidatura do BNG na Pastoriza:
1. Elva Carrera González
2. José Antonio Veiga Pérez
3. Rocío López Pacio
4. Verónica Rodríguez Gesto
5. Fidel García Paz
6. Yolanda Otero Logilde
7. Manuel Seivane Vila
8. Félix González Grandío
9. Noelia Rancaño Vidal
10. Óscar López López
11. José Ignacio Rivas Vidal
Suplentes
1. Miguel Folgueira Bouso
2. Xosé María Eloi Villada Legaspi
3. Vanessa Pérez Lejo
4. Eduardo Muíña Pérez
5. María Isabel Otero Moirón
6. Arcadio Sánchez Legaspi
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
