O actual alcalde e candidato apela a un voto maioritario que permita desenvolver os proxectos que Foz necesita sen atrancos, ante a ameaza dun Partido Popular carente de respecto e sen plan de goberno.
“Cun enorme compromiso, con moitísima ilusión e cunhas tremendas gañas xa de traballar desde o próximo luns 29 en xestionar o noso Concello, para consolidalo como o referente da comarca” – así destaca o candidato e alcalde socialista o seu estado de ánimo ante as eleccións do próximo domingo. “Teño a sorte de contar co mellor equipo. Xente nova, comprometida e traballadora: Foz non merece menos”.
O candidato socialista apela a que ninguén se quede na casa e que todo o mundo acuda ás urnas. “O exercicio democrático, o dereito a elixir quen te vai gobernar é un privilexio co que contamos. Pido que ninguén se quede na casa, que voten socialista porque o traballo e o esforzo para seguir a mellorar Foz están máis que asegurados”.
“Hai catro anos presentamos un programa completo, que cumprimos en gran medida, e a xente confiou en nós. Agora revalidamos ese compromiso cun novo programa que incide, despois de levar a fibra óptica ao territorio, na conectividade das nosas parroquias –tanto na mellora de camiños como na telefonía móbil-, na mellora da accesibilidade e das comunicacións do casco urbano e en dotar a Foz das infraestruturas que necesita, como o auditorio proxectado nas Lagoas ou unha nova residencia con prazas suficientes no edificio do actual asilo. Fomentar o deporte, a mellora do servizo de Asuntos Sociais, o coidado do Medio Ambiente e o impulso da Cultura é o que nos move a traballar. Para gobernar hai que ter boa intención, escoitar, saber decidir e dirixir pero tamén ter capacidade de xestión. Humildemente, creo que esta candidatura cumpre sobradamente estes requisitos”.
Por iso o actual alcalde e candidato socialista se presenta “co maior dos sorrisos” a unha cita na que desexa aumentar esa confianza e que unha maioría de apoios permita unha mellor xestión, sen ataduras. “Non apelamos aos que noutras eleccións elixiron outras opcións políticas que agora non se presentan. Apelamos ás persoas, aos que se quedaron na casa, aos que votaron socialista e aos que non, a todos. O goberno municipal é o da cercanía, o de atender os problemas dos veciños por pequenos que sexan. Con nós a porta da alcaldía vai a estar sempre aberta, esa é a nosa gran promesa electoral” – remata Fran Cajoto.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
