Fran Cajoto propón actuar no Campo da Cabana e na zona da Rapadoira, transformando Rego de Foz no eixo central de conexión co paseo marítimo
Foz, 19 de maio, 2023. O PSdeG-PSOE de Foz quere avanzar en accesibilidade e seguridade viaria, creando un entorno urbano amable e atractivo. “Actuamos en rúas como Costa do Castro, na que agora por fin dispoñemos de beirarrúas ao Cemiterio, unha demanda histórica. Tamén en Julia Minguillón, rúa na que se completou a urbanización e se fixo realidade a conexión coa Galiña Azul. A rúa Limoeiros transformouse nunha praza na parte máis próxima ao peirao e dotamos de seguridade á entrada desde Vilaxoane coa disposición de pasos de peóns elevados para calmar o tráfico e unha nova beirarrúa”- declara o actual alcalde e candidato socialista. “Sen embargo, queda moito traballo pendente.
Na actualidade estase a reurbanizar a baixada ao Campo da Cabana desde a Glorieta de Vilalba e o entorno da Praza de Galicia e proximamente se contratará a mellora do entorno da Sala Bahía, na que se inclúe a ampliación do patio da escola infantil da Galiña Azul”- destaca Fran Cajoto- “Queremos seguir avanzando: o Campo da Cabana e as rúas próximas necesitan unha reforma completa, na que tamén se renove a rede de saneamento. No entorno da Rapadoira queda tamén moito traballo pendente: queremos transformar Rego de Foz no eixo central de conexión co paseo marítimo. Estamos construíndo unha vila ordenada, en base ao Plan de Mobilidade que se proxectou entre todos e que nos permite actuar de forma planificada.
En Foz non se poden repetir erros como provocar atascos de 45 minutos en verán coas dúas rúas principais no mesmo sentido de circulación”
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
