Por Viveiro pecha a súa campaña esta tarde ás 21 horas na Praciña da Herba de Viveiro, cunha festa aberta a todas e todos, con música, bolos preñados e viño para as e os asistentes

Bernardo Fraga, o candidato á Alcaldía mostrouse satisfeito pola campaña realizada e declarou “Pido o voto para Por Viveiro como a única forza independente, aberta e plural, capaz de dialogar con todos para mellorar o presente e o futuro de Viveiro”. “Temos ilusión, experiencia e capacidade para gobernar Viveiro a partir do vindeiro domingo. Viveiro é a forza que nos move e a única razón pola que estamos aquí, pedimos o voso apoio para liderar o cambio necesario logo de 40 anos de gobernos das grandes forzas políticas”