Viveiro, 20 de maio, 2023. A alcaldable Míriam Bermúdez e varios membros da candidatura do BNG, mantiveron unha reunión coa nova directiva da Mancomunidade de Montes de Vieiro quen expuxeron os proxectos para mellorar os servizos da parroquia e poñer en valor os seus atractivos. Míriam Bermúdez observou na nova directiva da Mancomunidade de Vieiro “moita ilusión e traballo con proxectos totalmente alcanzables e realizables, sendo a reapertura das Minas da Silvarosa o proxecto estrela.”
Unhas minas que contan cun enorme atractivo, infravaloradas e que están a pasar totalmente desapercibidas para a administración local, o Concello de Viveiro, pero que desde o BNG estamos seguras que aumentaría o valor patrimonial do concello sumando novas actividades culturais, escolares e incluso deportivas, fomentando un turismo desestacionalizado e a posta en valor de Vieiro.
A Mancomunidade non deixou de exixir bens para a parroquia de Vieiro como os desbroces das marxes nas suas estradas que, como xa tivo que denunciar o BNG hai un ano, asusta transitar por elas do perigo que supoñen. Míriam Bermúdez recordou o estudado Plan de Mantementos de Estradas Municipais que se planificou desde o BNG, para chegar ao goberno cos deberes feitos, e evitar este gran problema que están padecendo todas as parroquias do concello.
Por último, Míriam Bermúdez afirma que o asociacionismo é o que verdadeiramente nutre ao pobo e un Concello non debe só aportar axuda económica e olvidarse, senón tamén axuda xurídica e administrativa, así como o asesoramento e comunicación con outros órganos e administracións para acadar os proxectos que Viveiro merece.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
