A presidenta provincial do Partido Popular di que o obxectivo é impulsar as políticas e as medidas que máis beneficien aos lucenses, con traballo intenso dende a humildade e a persistencia
Lugo, 23 de xuño de 2023. A presidenta provincial do PP, Elena Candia, mantivo na mañá de onte, na sede do partido, a primeira reunión cos deputados provinciais elixidos polos concelleiros populares nos distintos partidos xudiciais de Lugo.
No encontro fíxose balance dos resultados obtidos polo Partido Popular nas eleccións locais celebradas o pasado día 28 de maio, nas que o PP foi o claro ganador, como reflicten os datos, tanto en número de votos como no que se refire aos concelleiros conseguidos. Uns resultados, que, a efectos da Deputación, se traducen en 12 deputados para o PP, dos 25 que integran a corporación provincial. Ao fío da reunión deuse a coñecer que o portavoz popular na Deputación será o lucense Antonio Ameijide, e desempeñará a primeira viceportavocía Carmen José López (Sarria) e, a segunda, Demetrio Salgueiro (Xove).
Os populares lembraron que o Partido Popular foi a primeira forza política en 41 dos 67 concellos (61%) e é a forza política que máis medrou en número de concelleiros ata alcanzar os 351, 21 máis que no 2019. Concretamente, os populares superaron en máis de 30.000 á segunda forza cunha vantaxe de máis de 15 puntos porcentuais e en preto de 55.000 á terceira, o que supón máis de 28 puntos porcentuais.
Na mesma reunión, trazáronse as grandes liñas da folla de ruta que seguirá o grupo provincial do PP ao longo do mandato que empezará o próximo día 30, coa conformación na nova corporación. O obxectivo principal é impulsar, dende a humildade e o traballo intenso e rigoroso, as políticas e as medidas que máis beneficien aos lucenses.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
