O candidato indicou que a Xunta de Galicia, fronte á falta de apoio do Goberno aos gandeiros, vén aplicando axudas temporais e excepcionais ás persoas produtoras de carne para compensar as dificultades económicas derivadas da guerra de Ucraína
Sarria, 27 de xuño de 2023. Fronte a todas as probas que demostran que é imprescindible a rebaixa do IVE da carne e do peixe, o Goberno, presidido polo socialista Pedro Sánchez, teima en desatender o que é un verdadeiro clamor da sociedade española e, de novo, elude unha medida totalmente necesaria. Así o sinalou o cabeza de lista por Lugo do PP ao Congreso, Francisco Conde, esta mañá durante a visita que, xunto a outros candidatos populares, efectuou á feira gandeira de Sarria.
Conde destacou, fronte a este novo ataque do Goberno ao rural galego, que Feijóo propón baixar do 10 ao 4% o IVE da carne, o pescado e as conservas para aliviar a carga que supón a inflación nos petos das familias. Para o Partido Popular, “a carne non é un artigo de luxo e ten que ser considerada tamén un artigo de primeira necesidade, básico na alimentación da cidadanía”.
En Lugo hai unhas 20.100 explotacións gandeiras, das que 11.150 son de bovino, e delas, 1.558 están na comarca de Sarria (no concello de Sarria: 449). O número 1 da candidatura popular lucense ao Congreso destacou que a comarca de Sarria é unha gran produtora de carne, de forma que se os gandeiros non son capaces de vender o que producen, porque a xente non pode mercar un alimento tan básico como a carne, a cadea de produción alimentaria está gravemente afectada. É dicir, “con Pedro Sánchez a cesta custa máis e pesa menos”, sentenciou.
O PP CO SECTOR
Francisco Conde lembrou que, o pasado mes de maio, o Parlamento galego, a proposta do PP, aprobou coa abstención do PSOE reclamar á Xunta de Galicia para que instase ao Goberno de Sánchez e aos seus socios independentistas, como o BNG que votou a favor no Parlamento galego, para que aplique tamén a rebaixa do IVE á carne, ao peixe a ás conservas. Na mesma iniciativa demandouse ter en conta as peculiaridades territoriais de Galicia na distribución dos fondos previstos nas medidas urxentes para paliar a seca e os efectos da guerra de Ucraína en beneficio do sector primario, en especial do vacún de carne. O popular lembrou que “as medidas do Goberno central para paliar os efectos da seca e do conflito en Ucraína discriminan aos gandeiros galegos que só recibirán o 25% dos importes anunciados e do que lle concede aos gandeiros da zona sur do país”.
Na mesma liña, a Xunta tamén esixe á Administración central a rebaixa do IVE da carne; así coma aprobar máis medidas de apoio ao vacún de carne como a modificación das axudas do primeiro piar da PAC, que son de competencia do Estado.
Conde sinalou que a Xunta amosou o seu apoio con medidas a curto, medio e longo prazo, abordadas na reunión do conselleiro do Medio Rural con gandeiros de Ternera Gallega Suprema e outra con sindicatos. Así, os gandeiros de vacún de carne están cobrando estes días case 14 M€ para paliar as consecuencias da invasión rusa de Ucraína. Estas achegas súmanse aos 12,6 M€ que veñen de ingresar no marco das axudas agroambientais e de ecolóxico da PAC 2022. A Xunta aumentou nos últimos anos as axudas da PAC e convocou achegas pola pandemia, préstamos de circulante a explotacións de bovino ou anticipos da PAC en 2020 e 2022.
Conde lembrou que a Xunta, fronte á falta de apoio do actual Goberno de España aos gandeiros, vén aplicando axudas temporais e excepcionais ás persoas produtoras de carne para compensar as dificultades económicas derivas da guerra de Ucraína.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
