Foz, 17 de xuño, 2023. Xuño sempre está cargado de sentimientos e emocións compartidas no Colexio Martínez Otero.
A todas as viaxes e saídas culturais que enchen os últimos días de curso escolar hai que engadirlles dous actos que poñen o “broche de ouro” a dúas etapas no noso colexio. Estes actos son a graduación do alumnado de 6º de Educación Infantil e a despedida dos rapaces e rapazas de 4º da ESO.
O xoves día 15 tivo lugar a Graduación de Infantil, familias e Comunidade Educativa puidemos desfrutar cun bonito acto no que se fixo un pequeno percorrido por estes tres primeiros anos de escolarización tan importantes no desenrolo físico, emocional e intelectual dos nenos e nenas.
Nesta lembranza non faltaron risas e algunha que outra bágoa.
“Os nosos pequenos xa están preparados para a seguinte etapa na súa formación. Primaria agárdaos cos brazos abertos”.
Ao día seguinte, venres día 16, os protagonistas foron os alumnos e alumnas de 4º da ESO.
Despois de 13 anos de formación académica e desenrolo emocional no Martínez Otero, despedíanse desta casa que os veu medrar.
Discursos, lembranzas, anécdotas, agasallos e moita emoción protagonizaron un acto inesquecible para todos os presentes.
Este sábado, día 17, empezan a súa viaxe de fin de estudos na cal desfrutarán dun cruceiro polo Mediterráneo, con saída en Valencia e co que poderán visitar, durante unha semana, grandes cidades como Tarragona, Marsella, Xénova, Roma, Florencia…
“Agardamos que desfruten desta fermosa experiencia e que acaden todos os seus soños nesta nova etapa de vida que se abre ante eles”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
