Olalla Rodil lembrou que a televisión pública acumula 18 condenas nun ano por vulneración de dereitos e despidos improcedentes
Santiago de Compostela, 28 de xuño, 2023. Pleno. A deputada do BNG, Olalla Rodil pediu explicacións ao goberno tras a imputación de 8 directivos da CRTVG, incluído o seu director Xeral, Alfonso Sánchez Izquierdo por “un presunto delito de acoso laboral” contra unha traballadora.
A deputada explicou que os propios informes do perito xudicial, da facultativa da CRTVG, dun psiquiatra do SERGAS e outro privado, diagnosticaron un cadro de ansiedade e depresión da traballadora derivado do “trato humillante e decisións arbitrarias da dirección da CRTVG contra ela”.
Para a nacionalista, esta circunstancia resulta “inadmisible” en calquera empresa pero moito máis “nunha pública financiada con d 100 millóns de euros públicos ao ano por todas as galegas e galegos”.
Sen embargo, engadiu, este non é o único caso e a “dirección que o Partido Popular puxo a dedo na CRTVG acumula centos de condenas por violar os dereitos das traballadoras e traballadores dos medios públicos nunha actuación sistemática e sistematizada contra quen se nega a manipular”. Que máis ten que pasar para que o Partido Popular cese a dirección da CRTVG? preguntou.
Cantos dereitos máis teñen que esmagar para que vostedes rectifiquen e cantas veces máis pensan arrastrar polo chan o prestixio dos medios públicos para que o Partido Popular acabe con este despropósito? recalcou.
Tras a intervención do Vicepresidente 1º, Diego Calvo que acusou ao BNG de atacar aos medios púbicos, a parlamentaria do BNG replicou amosando diversos titulares publicados polos medios de comunicación alusivos á perda da metade de litixios laborais da CRTVG. ATelevisión galega “do PP”, acumula en 17 anos cerca de 400 sentencias por “burlar os dereitos fundamentais e laborais”. Isto, dixo, non o inventa o BNG. Quen ataca aos traballadores e traballadoras, inquiriu a nacionalista.
O PP, subliñou Rodil puxo “a dedo e mantén no cargo” ao director Sánchez Izquierdo en contra do que di a propia lei e polo tanto, é responsable directo da situación da CRTVG e que máis ten que pasar para que o PP cese ao director Xeral da Corporación da Radio Televisión de Galicia.
Vostede, dixo Rodil dirixíndose ao vicepresidente 1ª “ pedía o cesamento do Director Xeral cando non gobernaban argumentando que o o Partido popular saía pouco pola tele” e agora estamos ante 18 condenas nun ano por violar dereitos fundamentais como a liberdade de expresión ou o dereito a folga, e o PP “mira para outro lado”.
“Se sacar pouco o PP na tele era un escándalo, que son 400 condenas xudiciais? volveu a preguntar a nacionalista”.
Devólvanlle os medios públicos de Galiza a quen pertencen, devólvanlle a CRTVG ás galegas e galegos, concluíu a deputada do BNG.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
