Burela, 11 de xuño, 2023. A diferenza dos tres homes fusilados ao final de a película “Paths of Glory” (Stanley Kubrick, 1957), condenados a morrer por fuxir do campo de batalla en pleno ataque, os 12 homes de David Rial fixeron todo o contrario. Bruno, Nito, Loito, Pitero, Isma, Nando, Rikelme, Alberto, Antón Arnejo, David Pazos, Eloy e Michal Kaluza, loitaron ata o final e aínda que foron superiores en todo momento, o vento soprou en contra e desviou as balas na súa dirección, condenándoos no último segundo.
A diferenza dos 3 homes do Coronel Dax, non se tratou dunha derrota inxusta no referido ao xogo, fóra de cuestións arbitrais, xa que o Alzira soubo xogar as súas cartas sendo un muro para un Burela máis ofensivo que, do mesmo xeito que no primeiro partido, non consegue exceder a liña de meta da portería a pesar das innumerables oportunidades que xerou. Por desgraza para o equipo mariñano o Alzira aprobeitou de forma efectiva oportunidade que tivo para conseguir o tanto.
Pero do mesmo xeito que eses tres homes, entre os que tamén había un lisiado, foi unha “morte” inmerecida e realmente “morreron” moi ben. Salvando as distancias co contexto que dota de ironía á frase no filme, os 12 homes de Rial morreron coa cabeza alta, sen dicir un chío e con moito orgullo polo traballo realizado desde o principio ata o final. Sendo un equipo unido, forte e que fixo un traballo de dez dentro e fóra da pista. Por sorte neste caso o contexto non é bélico, senón deportivo e haberá outra oportunidade máis para facelo igual de ben que esta tempada e volver tentalo a que vén.
Nun partido cheo de tensión e emoción, cun amplo Palau d’Esports a rebordar e un Vista Alegre en Burela que acababa de ver pasar á final polo título ao equipo feminino e se quedaron a ver o partido do masculino proxectado no pavillón, ás 19.00 horas, enfrontábanse no segundo encontro da Final do Playoff polo Ascenso a Primeira Federación de Futsal Masculino, o Family Cash Alzira – Pescados Rubén Burela FS. Un partido dominado polo Burela, cheo de oportunidades clarísimas por parte de todos os xogadores do Pescados Rubén, unha tras outra, que non conseguiron exceder o enrocaxe do equipo local. Ao final do encontro, nos últimos minutos da segunda parte, o Alzira comeza a apertar máis, mostrándose máis ofensivo e ameazando con maior intensidade á defensa do Burela e ao porteiro polaco. Primeira e segunda parte sen goles. Chega a prórroga e o equipo laranxa volve presionar a un Alzira que, aínda que conta cunha plantilla moito máis ampla que o seu rival, móstrase igual ou máis canso. Moitos paróns no xogo, caídas, xemelgos subidos… o desgaste de tantos partidos durante as dúas eliminatorias fanse notar. Cando parece que chegan os penaltis, tras unha contra na que o Burela se mostra algo confuso ante unha posible falta na área rival a Lucho que non se pita, sae Michal a despexar o balón pero recólleo Joan que avanza cara á portería protexida por Isma e David Pazos aos que sortea cun pase a Javi Sena que remata e a 0.2 segundos dos penaltis lévase o partido.
O silencio en Vista Alegre tras o gol do Alzira e o final do partido estremece, pero a poucos minutos do xerro de auga fría volve a emoción e orgullo polo equipo. Ademais de contar co finalmente Máximo Goleador da Liga 2022-2023, David Pazos o Pescados Rubén Burela FS fixo unha tempada practicamente inmellorable, un segundo posto moi merecido e consolidado durante todo o ano que demostrou o saber estar e evolución dun equipo unido, forte, maduro, san e cunha enerxía sen límites, que volverá dar a talla con fartura o ano que vén.
Dende o club felicitamos ao Family Cash Alzira polo ascenso a Primeira División e agradecemos o excelente trato que nos ofreceron durante toda a competición.
Ficha Técnica Family Cash Alzira – Pescados Rubén Burela FS
Pescados Rubén Burela FS: M. Kaluza (P), Lucho (C), Nando, David Pazos, Eloy – cinco inicial -, Nito, Isma, Alberto, Antón Arnejo, Bruno (P).
Family Cash Alzira: Porky (P), Carlitos, Peiró, Castejón, Javi Sena – cinco inicial -, Joan, Rubi, Parreño, Pedro, Naranjo, Palacín, Gabri Pastor, Gustavão, Maseres (P).
Goles: Min.40+6 Javi Sena 1-0.
Equipo Arbitral: Brian Torquemada Martínez, Iván López Galiano, Lydia Gillem Ramírez.
TA: Min.16 Javi Sena, min.22 Braulio Correal (entrenador Family Cash Alzira), min.34 Naranjo, min.40+4 Parreño, min.40+4 Gabri Pastor, min.40+4 David Pazos, min.40+4 David Rial (entrenador Pescados Rubén Burela FS)
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
