Ribadeo, 13 de xuño de 2023. A V Carreira Nocturna Rinlo-Ribadeo, que terá lugar o 19 de agosto, foi presentada esta mañá no salón de plenos do Concello.
Na quenda de intervencións o xefe de Deportes da Xunta en Lugo, Manuel Otero, declarou: “quero aproveitar para darlle a benvida a todos eses deportistas deses clubs que nos van acompañar. Moitas grazas a todos os patrocinadores e colaboradores, en especial ao Concello de Ribadeo, e, por suposto, ao organizador, o Club Atletismo Ribadeo, que xa é todo un referente non só no ámbito provincial senón tamén no autonómico, tanto no apartado deportivo como no de organización. É rara a semana que non lles mande uns parabéns, o que é bo sinal”.
Otero animou aos asistentes a gozar da riqueza cultural e gastronómica de Ribadeo: “a todos os que nos acompañen a disfrutar do atletismo e da carreira e a todos os familiares quero pedirlles que veñan a Ribadeo non só a gozar do deporte senón tamén da gastronomía, do patrimonio e da cultura, que é a forma de dinamizar economicamente Ribadeo e toda a súa comarca”.
O xefe de Deportes engadiu: “seguro que vai saír todo de marabilla pola garantía que nos dá a organización do Club Atletismo Ribadeo”.
O alcalde, Fernando Suárez, manifestou: “é unha excelente noticia para o Concello de Ribadeo en xeral, non soamente para a institución que presido a día de hoxe en particular, que sexa a quinta edición desta iniciativa que desenvolve o Club Atletismo Ribadeo que xunta a tantas persoas nun momento do ano no que se prevé moita afluencia de xente en Ribadeo e en toda a comarca”.
O rexedor subliñou que “é unha iniciativa singular, dado que carreiras hai moitas pero nocturnas non hai tantas, e iso esperta unha atracción que nestes últimos anos está indo a máis e ademais contrasta tamén con esas outras iniciativas que desenvolve o Concello de Ribadeo en solitario, como pode ser a media maratón Ribadeo-As Catedrais, pero nesta singularmente o Concello apoia, como fan as outras administracións que están aquí tamén para botar unha man”.
Suárez Barcia dixo que “ao longo de todos estes anos foi un pracer traballar co Club de Atletismo Ribadeo, fixéronse grandes cousas entre o Concello e esta entidade, ao igual que con outras. E esperemos que de aquí en diante sigades indo tan ben como ata agora. Que vaia ben e que se anoten moitos a esta carreira nocturna. É un pracer estar, a un lado ou a outro, pero sempre apoiando ao club”.
Pola súa banda, a presidenta do Club Atletismo Ribadeo, Ana Ferradás, indicou que “a nosa principal satisfacción é que todos se sintan como vencedores desta carreira.
Agardamos ter a mesma resposta que nas anteriores edicións e agradecemos moitísimo o apoio de todas as institucións, de todos os patrocinadores e de todos os voluntarios, que son máis de 30 para esta carreira de só 9 quilómetros. Sen todos eles sería imposible levala a cabo. Moitas grazas a todos e verémonos o 19 de agosto”.
Ao acto de presentación asistiron, entre outras persoas, a concelleira de Igualdade, Mónica Freire, e o propietario do restaurante A Cofradía, de Rinlo, Gerardo Martínez, así coma outras directivas do club ribadense.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
