“Temos que facer políticas para acercar os servizos ao rural”, subliñou José Tomé, quen destacou o traballo que fai a institución, despregando unha rede pública de residencias de maiores “que favorecen o arraigo cunha atención de calidade e crean emprego, precisamente os piares na loita contra o despoboamento”
Lugo, 19 de xullo de 2023. O Presidente da Deputación de Lugo, José Tomé Roca, compartiu este mércores co Ministro de Asuntos Exteriores, José Manuel Albares Bueno, un almorzo informativo co tecido empresarial da provincia baixo a temática Lugo en Europa no edificio Impulso Verde, xunto á Alcaldesa, Lara Méndez, o Delegado do Goberno, Pedro Blanco, e a Subdelegada, Isabel Rodríguez. Un encontro no que o Ministro destacou que a institución provincial terá un papel clave na conferencia de alto nivel da Presidencia española da Unión Europea sobre políticas de envellecemento activo e reto demográfico que se celebrará en Lugo o vindeiro 8 de setembro.
“O Goberno de España decidiu descentralizar a Presidencia europea para que sexa do conxunto do país, e para a nosa provincia, que é unha das 27 do Estado que teñen problemas serios de despoboamento, este é un protagonismo moi importante”, valorou o Presidente, que cre que é fundamental “facer políticas para acercar os servizos ao rural”.
Neste sentido, José Tomé destacou o traballo que leva facendo anos a institución, dende a presidencia de José Ramón Gómez Besteiro, despregando unha rede pública de residencias de maiores “que favorecen o arraigo cunha atención de calidade e crean emprego, precisamente os piares na loita contra o despoboamento”.
Lembrou nese sentido que a Deputación de Lugo ten xa en marcha un total de 9 residencias –nos concellos de Pol, Trabada, Ribadeo, A Fonsagrada, Castroverde, Pedrafita do Cebreiro, Meira, Navia de Suarna e Ribas de Sil- que dan servizo na provincia a través dun modelo de pequenos centros públicos, nos que prima a atención ás persoas, e que conta con moi boa acollida en Europa. Así mesmo, recordou que está a traballar nos proxectos para a creación doutros 9 centros nos concellos da Pontenova, Portomarín, Guitiriz, Becerreá, A Pobra do Brollón, Ourol, Cervantes, Folgoso do Courel e Ferreira de Pantón. “Sitios ós que non van as empresas privadas nin a Xunta de Galicia, que nestes 14 anos nin apareceu por alí”, sinalou.
Unha rede de centros que, en palabras de José Tomé, “trata de acercar xustamente ese servizo aos cidadáns para que non haxa desarraigo, para que poidan vivir onde viviron sempre, coas súas familias, cos seus amigos e veciños”. Apuntou tamén a importancia que teñen estes centros para a creación de emprego no rural, “que é a mellor maneira de reter poboación”, porque segundo sinalou, “sen servizos e sen emprego non hai poboación no rural, dúas cuestións, o emprego e os servizos, que son pilares na loita contra o despoboamento no rural”.
Un Lugo que brille en Europa
O Ministro de Asuntos Exteriores do Goberno de España destacou esta mañá que “Lugo quere estar no centro da Presidencia española da Unión Europea, que arrancamos o pasado 1 de xullo e na que, como saben, esta cidade vai ter unha das reunións claves”. Albares sinalou que “a Alcaldesa e o Presidente da Deputación traballarán moi directamente para esa conferencia de alto nivel sobre envellecemento e despoboamento, na que se vai debater e na que se van tomar decisións claves en cuestións que teñen que ver co coidado dos nosos maiores, e para a cohesión territorial e a loita contra o despoboamento”.
Valorou tamén o Ministro o encontro co tecido produtivo da provincia que tivo lugar no Edificio Impulso Verde, unha construción de referencia en termos de sustentabilidade, e no que Albares puido “comprender mellor as necesidades desta provincia, para que poida brillar en Europa ao longo da súa Presidencia”.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
