O ala-peche gaditano xogou no Betis toda a súa carreira e chega a Burela a completar o plantel deseñado por David Rial para a próxima tempada
Burela, 19 de xullo, 2023. O xogador provinte do Real Betis Futsal chegou a un acordo dun ano para formar parte do equipo laranxa xunto aos seus xa compañeiros Lucho, Isma, M.Kaluza, Pitero, Jorge Quelle, Charly e Malaguti. O ala-peche andaluz dá os seus primeiros pasos no Club Deportivo San Felipe Neri de fútbol sala e no Club Deportivo Cádiz Costa de la Luz. Na tempada 16/17 ficha polo Cádiz Club de Fútbol Virgili ata a 17/18 que comeza a xogar no que será o seu club o resto da súa carreira ata agora, o Real Betis Futsal, onde xogou no primeiro equipo de forma exclusiva na temporada 21/22 e de forma exporádica dende a 17/18 ata esta última na que formou parte da plantilla do segundo equipo dos verdiblancos.
O xogador bético chega á Mariña con moi boas sensacións, “Burela é un equipo histórico, que leva moitos anos facendo as cousas moi ben, competindo nun nivel moi alto. Xa xoguei contra o Burela en Primeira División, sempre foi un equipo de Primeira División e iso é algo que atrae, moito”. Moi decidido a crear un bo grupo a Burela, “Son un xogador de equipo, quero aportar tanto en defensa coma en ataque, pero gústame xogar en equipo e saber compenetrarme cos compañeiros e tentar aportar todo o que poida ao conxunto”. Dirixíndose á afección “este próximo ano imos desfrutar moito, imos dalo todo para conseguir os obxectivos e sei que van estar aí para axudarnos a conseguilo”.
Manuel Blanco, presidente do Club, dá a benvida ao xogador “é un xogador con experiencia, está afeito a xogar tanto en Segunda División, no filial do Betis, coma en Primeira, tamén co Betis. Con esta fichaxe continuamos tentando reforzar tanto en defensa como en ataque e aportar o mellor de cada un. Parécenos importante contar con xogadores que se coñecen entre eles e sabemos que vai reforzar a comunicación e bo entendemento do equipo”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
