“Só hai algo peor que un Goberno do PP submiso a Madrid, un goberno do PP submiso que asume o discurso ultra da extrema dereita antigalega”
Santiago de Compostela, 5 xullo 2023. A portavoz nacional do BNG, Ana Pontón, acusou ao presidente da Xunta de estar tan instalado na “submisión” a Madrid que xa non ten reparo en actuar directamente como “delegado electoral do candidato Feijóo”, supeditando Galiza aos intereses partidista do PP: “É tan manso e tan submiso que nin sequera é capaz de pedirlle que cumpra a lei e explique neste Parlamento o incremento do seu patrimonio en 800.000 euros en tres anos”, denunciou na sesión de control.
A supeditación de Galiza ao PP é tal que até a utilizan para recolocar ao candidato Feijóo, “que ademais do sobre-soldo do partido cobra un salario como senador por Galiza, sen que presentase nin unha soa iniciativa, nin unha soa proposta, nin unha soa medida relacionada con este País”, denunciou, “pero o señor Rueda está feliz como unha perdiz co seu papel de delegado electoral de Feijóo”.
Pontón alertou do alto prezo que están pagando os galegos e as galegas cun goberno do PP, “atado de pés e mans ao centralismo”, nun momento en que o País ten sobre a mesa grandes retos que debe afrontar con éxito para ter futuro. Retos como a crise demográfica, nunha Galiza que perdeu 94.000 habitantes mentres o conxunto do Estado gana poboación; á cola en natalidade, mentres desde 2009 emigraron 375.000 persoas, a maioría xente moza.
Retos como a falta de converxencia con Europa, cun retroceso de trece puntos até situarse no 77% do PIB medio europeo, unha tendencia da que tamén alerta o último informe do Consello Económico e Social; unha economía galega no furgón de cola en competitividade, coa advertencia dos expertos á respecto da debilidade en infraestruturas básicas.
Retos como a perda de peso industrial, coa destrución de 40.000 postos de traballo desde 2008 segundo o CES, e cun IPI galego que diminuíu catro veces máis que no conxunto do Estado nos últimos anos. Ou retos, tamén, como o de reforzar os servizos públicos, a emerxencia climática, a despoboación do rural, o modelo enerxético “e tantos outros nos que Galiza está quedando atrás”, lamentou a líder do BNG.
“E non é por casualidade, nin porque este País non teña potencial, recursos e talento, é a consecuencia de catorce anos de submisión do PP ao centralismo, facendo o que lles mandan desde a Rúa Génova e poñendo os intereses partidistas por riba de Galiza”, denunciou Pontón, quen cualificou o Goberno de Rueda como “o peor goberno da historia incapaz de resolver nin un só dos graves problemas e dos grandes retos que ten este País, por iso deixa unha Galiza cada vez máis pequena”.
A líder do Bloque tamén alertou sobre a deriva do Partido Popular que branquea e asume o discurso ultra da extrema dereita machista, racista, xenófoba e profundamente antigalega. “Señor Rueda, se hai algo peor para Galiza que un Partido Popular submiso á Madrid é un PP submiso a Madrid que asume o discurso ultra da extrema dereita antigalega”, denunciou, “e este é Partido Popular que nos deixa unha Galiza máis pequena”.
Fronte a un PP supeditado ao centralismo, o BNG ten un proxecto de País coas mans libres para defender Galiza, aquí e ante o Estado, como demostrou tamén neste último mandato no que un deputado do Bloque foi máis útil para os galegos e as galegas que todos os demais xuntos, cunha rebaixa histórica na peaxe da AP9 da que cada día se benefician 20.000 persoas, “moito máis do que conseguiron os dez deputados e deputadas do PP”, concluíu.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
