A Mostra Folclórica Internacional desta fin de semana supón o pistoletazo de saída para esta tempada festiva, que se desenvolverá ata o 19 de agosto
Viveiro, 2 de agosto de 2023. O Concello de Viveiro deu xa comezo á programación das súas festas patronais 2023, que encherán o municipio de concertos, pasarrúas, actividades e espectáculos de todo tipo.
“Estas festas serán, un ano máis, un lugar de encontro para os veciños de Viveiro, os familiares que viven fóra o resto do ano e os turistas que chegan á nosa vila”, asegura a alcaldesa, María Loureiro.
“Como cada ano, buscamos unha programación ecléctica para cubrir os gustos de toda a veciñanza, apostando pola cultura local e feita en Galicia, pero traendo tamén artistas do panorama nacional”, afirma pola súa parte a concelleira de Cultura, Lara Fernández Fernández-Noriega.
As festas comezan xa coa celebración dunha nova edición da Mostra Folclórica Internacional, e na vindeira semana do 7 de agosto acollerá diversos festivais, concertos e pasarrúas, ademais do karaoke ‘Viveiro Canta’.
A lectura do pregón chegará o luns 14 de agosto, da man de David Catá. O artista multidisciplinar nado en Viveiro dará o pregón dende o balcón da Biblioteca Municipal ás 13:00 horas, e estará acompañado pola Banda de Música O Landro de Viveiro e a Banda Tau.
Entre os concertos máis destacados destas festas están os de Xosé Lois Romero e Aliboria o luns 14 de agosto ás 22:30, o de Lamatumbá o mércores 16 ás 22:00, ou o de Budiño o venres 18 ás 22:30, todos eles na praza Maior.
Finalmente, o sábado 19 de agosto, os xardíns Noriega Varela acollerán o Día da Cativada, con actividades para os nenos e nenas. Ese mesmo día terá lugar a representación do Teatro dos Irmáns Álvarez Quinteiro de balde no Teatro Pastor Díaz ás 20:30, e tamén o espectáculo de música e fotografías “60’ en +” da Asociación Fotográfica Os Negativos na praza Maior ás 22:30.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
