A alcaldesa, María Loureiro, recorda que o Concello solicitou a autorización no mes de marzo
Viveiro, 22 de agosto de 2023. O Concello de Viveiro reitera a Portos de Galicia a solicitude feita no mes de marzo para que a administración autonómica autorice as obras de humanización na rúa Porto de Celeiro.
Nun escrito remitido a Portos de Galicia, organismo dependente da Xunta, a alcaldesa María Loureiro expón que o proxecto de pavimentación e servizos desta rúa inclúe unha actuación na zona portuaria. Por iso, para executar as obras, é necesario contar coa dispoñibilidade dos terreos titularidade desa entidade, sendo preciso, polo tanto, asinar un convenio entre o Concello de Viveiro e Portos de Galicia.
“O Concello de Viveiro remitiu a solicitude para formalizar este convenio ou o documento que corresponda o 8 de marzo, para ter así autorización de Portos de Galicia para realizar as obras. A día de hoxe seguimos esperando a que Portos de Galicia nos envíe o documento”, sinala Loureiro.
O proxecto abarca unha zona moi ampla entre o tramo dende a Praza do Náufrago ata a Casa do Gardapeiraos. Neste sentido, o Goberno local logrou o apoio da Deputación de Lugo, que aportará a este proxecto un total de 544.000 euros. O Concello de Viveiro asumirá o importe restante do proxecto.
“Xa contamos co financiamento necesario para a obra, pero estamos esperando dende o mes de marzo pola autorización de Portos de Galicia. Esta obra é imprescindible para mellorar a mobilidade dos veciños e veciñas de Celeiro, que manterá a esencia mariñeira da zona e renovará os servizos da área”, engade a rexedora.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
