Ribadeo, 9 de agosto de 2023. O famoso barco histórico Atyla estará en Ribadeo do 10 ao 13 de agosto. A embarcación atracará nas instalacións do Real Club Náutico e poderase visitar, gratuitamente, o 11 e 12 de agosto de 12 a 14 horas.
A concelleira de Turismo, Marta Saiz, contou que “o famoso barco histórico Atyla estará en Ribadeo do 10 ao 13 de agosto coa axuda da Fundación Traslatio e a colaboración do Concello de Ribadeo, a Xunta de Galicia e o Real Club Naútico de Ribadeo. Durante estes día teremos a oportunidade de ver este famoso barco, o único de madeira en toda España que fai viaxes de aventura a nivel internacional. Este veleiro foi construído nos anos 80 seguindo técnicas tradicionais (carpintería de ribeira) cun deseño inspirado nos buques do século XVIII”.
A edil ribadense explicou que “o barco está xestionado por unha organización benéfica e o 100% dos beneficios e doazóns recibidas destínanse a un Fondo de Bolsas para que persoas con poucos recursos poidan participar nas viaxes que este ofrece. Son viaxes de aventura nos que a tripulación a través de retos fomenta o desenvolvemento de diversas habilidades dos novos/as tripulantes como o traballo en equipo, comunicación intercultural, intelixencia emocional, pensamento crítico, liderazgo, responsabilidade, coraxe e resiliencia”.
Saiz indicou que “o barco Atyla atracará nas instalacións do Real Club Náutico de Ribadeo e poderase visitar, gratuitamente, o 11 e 12 de agosto de 12 a 14 horas. Para os/as interesadas na navegación tamén ofrece excursión marítimas do 10 ao 12 de agosto ás 17 horas dunhas tres horas de duración”.
A concelleira de Turismo engadiu: “desexamos que esta nova iniciativa que se propón dende o Concello e a Concellería de Turismo sexa de interese para a cidadanía e siga a potenciar o turismo náutico, outros dos nosos grandes baluartes, que atrae a esta vila centos de navegantes de diversas nacionalidades que usan as prazas de transito do Club Náutico para recalar en Ribadeo”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
