A Oficina de Turismo recibiu máis solicitudes que no verán anterior, cuxas cifras de turistas xa marcaran un fito na vila
Burela, 1 de setembro de 2023. O Concello de Burela mellora un ano máis as cifras de visitantes nos meses de xullo e agosto, correspondentes á tempada estival. Segundo os datos proporcionados pola Oficina de Turismo de Burela, o verán de 2023 atendeu un total de 6.375 solicitudes de información turística, o que representa un incremento do 2,71% respecto a 2022.
“O sector turístico continúa mellorando en Burela, superando as cifras de 2022, que xa foran históricas. Isto demostra que as estratexias de promoción turística están funcionando e fan de Burela un destino atractivo para pasar as vacacións”, sinala Ramiro Fernández, concelleiro de Turismo, quen insistiu na importancia “do retorno económico do turismo na vila, que beneficia á hostalaría e ao comercio, que é o noso principal obxectivo”.
Entre os usuarios atendidos, o turismo nacional segue destacando sobre o turismo estranxeiro, destacando os turistas franceses no conxunto dos visitantes internacionais. Neste sentido, Madrid continúa a ser a principal comunidade autónoma que vista a vila, representando o 39,8% do total de turistas que gozaron de Burela este verán. Castela e León xunto ao País Vasco son as seguintes comunidades de orixe máis habituais nos turistas.
En agosto, un notable 34,3% dos usuarios da oficina de información elixiron pernoctar en Burela, mentres que outros optaron por aloxarse en diferentes lugares da comarca. En canto ás motivacións dos visitantes, as razóns seguen sendo as mesmas que en anos anteriores: o clima temperado, as paisaxes verdes e a costa, xunto coa gastronomía local. Dende a Oficina de Turismo observouse ademais un aumento dos usuarios, procedentes doutros puntos de España, que adquiren segundas residencias en Burela.
Neste sentido, o edil recorda que a celebración esta fin de semana do festival Osa do Mar “dará continuidade ás positivas cifras turísticas deste verán, con eventos que aumentan os visitantes á vila de Burela”.
O Concello de Burela continuará traballando na mesma liña, promovendo un turismo familiar e sostible, ofrecendo unha variedade de actividades que foron moi ben recibidas polos visitantes, como as Rutas Xeolóxicas, a Ruta de Peixe, o Barco Museo e a Visita á Conserveira, entre outras. Neste sentido, o concelleiro de Turismo agradeceu o traballo da técnica de Turismo e do Guía do Barco Museo, “polo seu gran traballo de información e divulgación de todos os atractivos turísticos de Burela”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
