Viveiro, 29 Setembro, 2023. Os dous, a dona e a súa mascota, foron rescatados sans e salvos coa axuda dos Bombeiros de Viveiro.
Tras precipitarse o felino pola bufarda da vivenda, situada na Avenida de Lourdes, en Viveiro, a súa dona non dubidou en acudir ao seu auxilio. Para iso, fixo uso dunha manta que lle axudaría a baixar ata onde se atopaba o gato. Sen embargo, unha vez abaixo, a rapaza non era capaz de volver a subir e foi, nese momento, cando a súa nai pediu axuda aos Bombeiros.
Foron precisamente os mesmos Bombeiros quen, pasados uns minutos das 21:00 horas deste xoves, chamaron ao 112 para informar da súa saída. Indicaban que se dirixían a unha vivenda, a petición dunha muller que lles pedira axuda para rescatar á súa filla que non era capaz de subir pola bufarda pola cal descendera.
Con estes datos, os xestores de emerxencias puxeron os feitos en coñecemento dos axentes da Policía Nacional e da Local, que confirmaron que a rapaza estaba ben pero que non podía saír do habitáculo onde se atopaba. Os efectivos do Servizo Municipal de Protección Civil tamén foron informados do suceso polo 112 Galicia.
Finalmente, tras chegar ao punto, os Bombeiros relataron que rescataran sans e salvos á muller e ao seu gato, que se precipitara dous ou tres metros máis abaixo da cuberta onde quedara a súa dona.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
